CREME DE LA CREME 2020 TA UN REALIDAT
WILLEMSTAD- Fundashon Baseball Team Tra'i Seru ta yama bon bini na KJ 74, RBC-Royalbank i FDDK komo ko-patrosinador di torneo di baseball Crème de la Crème 2020.
Fundashon Baseball Team Tra'i Seru, ku koperashon di APC, ku ta patrosinador prinsipal di e torneo i ko-patrosinador Coca Cola, Lovers, KJ74, FDDK i RBC, ta trahando duru pa realisá e di 19 Torneo Crème de la Crème den luna di sèptèmber próksimo.
Komishon organisadó di Creme de la Creme ta gradisí tur patrosinador, ku ounke nos ta pasando den tempunan sumamente difísil, tòg ta koperá pa e torneo por bira un realidat e aña aki.
Pronto nos lo duna mas informashon di torneo Creme de la Creme 2020.
