Curacao Baseball Week 2021 kanselá
WILLEMSTAD- Deporte Kòrsou a risibí informashon di Hensley Meulens ku Curacao Baseball Week 2021 a keda kanselá debi na pandemia Covid-19. Hensley a bisa nos via un message ku a disidí algún dia pasá na kanselá e Baseball Week. Den desèmber ainda tabatin e propaganda den Sambil ets., pero e torneo a keda kanselá. E Curacao Baseball Week su meta ta trese hóbennan peloternan di Kòrsou mas serka di e profeshonal i Big Leaguernan.
Beisbòl ta disiplina i perseveransia i ku esei bo por yega leu komo un pelotero profeshonal i mas mihó ainda bira un gran persona ku ta kontribuí positivamente na su pais. E hungadónan por kombersá ku e grandinan lokal den Beisbòl, tuma firma, saka pòtrèt, siña e básikonan di e wega, haña tepnan bon durante e klínikanan. Ultimo añanan coachnan tambe ta risibí klínika pa upgrade nan nivel di coaching den Beisbòl.
Teksto pa pòtrèt:
Propaganda ku tabata na varios kaminda kla pa e Baseball Week 2021.
Hensley Meulens ku klínika pa coachnan durante 2020 na Tio Daou Ballpark.
Rumannan Profar durante entrevista pa MLB network durante Curacao Baseball Week 2020.
Pudge Rodriguez durante apertura di Curacao Baseball Week na Blue Bay.
