De Koning ta kibra invikto di Jong Colombia den Futbol Veterano 50+
WILLEMSTAD - E temporada di Futbòl Veterano 50+ a kontinuá djasabra, 2 di oug. Den Stadion di Jong Colombia ku hornáda number 5.Den e promé partído Jong Colombia no solamente a pèrdè su invíkto, pero tambe a tuma su promé 2 golnan kontra. Dos foul a produsí 2 gol pa De Koning Sali dje pórta grandi ganando 2 – 1 di Jong Colombia. Pa De Koning a hinka Nelson Pong’ Mariana (P) i Jimmy Wolf anto pa Jong Colombia a skor Kelvin ‘Kid’ Jansen.
Spartans ku gol di André Boté i Ralph ‘Ivan’ Camelia ta gana 2 – 1 di DTS. Pa DTS a skor Shurèndy Duggan. Nos Kos ta prolongá su invikto, e úniko ku por sierto a keda goliando Moonchi Boys 4 – 0. Golnan anotá pa Hendrik Ananbahadoer, Johnsel Diaoen, Regis Leito i Cherum Muzo.
Dekada ’90 for di un tiru penal anotá pa Faysalic Nocento ta gana Bonam 1 – 0.
KAMPIONATO
Un kampIonato yegando fin di su promé buèlta kaminda Jong Colombia mester a séde liderásko riba e tabla di posishon na Nos Kos. De Koning ta pèrsistí na di 2 lugá. Ban wak kiko ta bai pasa e wikènt aki kaminda Nos Kos, ketu bai invíkto ta bai topa Bonam ku no konosé viktoria ahinda, pero ku ta mehorándo kada siman mas i mas. De Koning lo topa DTS ku no ta un wesu fásil, mientras ku Moonchi Boys ta bin purba duna Jong Colombia nan di 2 deróta den e aktual kampeonato. Tur amante di fútbol en general i tambe fanátikonan ta bon biní. Entrada ta gratis kuminda i bebida na bénta , parker padén – pero riba bo propio risikó.
WEGANAN
6or Spartans v/s Dekada '90
7or Moonchi Boys v/s Jong Colombia
8or De Koning v/s DTS
9or Nos Kos v/s Bonam
