Den presensia di spònser RBC Royal Bank Selekshon Little League di Kòrsou a sali pa Mundial na Williamsport
WILLEMSTAD- Djaweps , 11 di ougùstùs 2022 den oranan di mèrdia e selekshon di Little League Liga Pabou a biaha pa Williamsport (USA), pa partisipá den e Kampionato Mundial di Beisbòl Little League. E kampionato di hóbennan lo start dia 17 i lo terminá dia 28 di ougùstùs 2022.
RBC Royal Bank, representá pa Sharier Dorand manera ta e kaso ku tur selekshon, tabata presente pa duna e selekshon sosten i deseá e delegashon éksito.
E sigiente hungadónan ta forma parti di e selekshon. Davey Jay Rijke, Joshua Acosta –Fernandez, Jaylliard Emperador, Reangelo Hortencia- Decaster, Jay-Dlynn Wiel, Deshawn Bonafasia, D’Shawn Winklaar, Jaydion Louisa, Emery Hansen, Kyshore Hinkel, Shemar Sophia Jacobus, Qshondrickson Doran, Jaythan Cordilia i Alexander Provacia- Roach.
Manager di e selekshon ta Zaino Everett, asistí pa téknikonan Ringemar Raap i Ildion Martina. Hefe di delegashon/ interpreté ta Sherton Saturnino.
Den Liga Amstel Sugar ta gana Gamers 11 pa 5
WILLEMSTAD- Durante wikènt pasá tabatin kontinuashon kampionato Liga Amstel ku algun wega na Van Engelen Ballpark. Den e promé wega Sugar ta gana Gamers ku skor di 11 pa 5. Despues Thrillers ta gana Terremoto Giants 6 pa 4. Cicoza a gana Terrepower 17 pa 12.
RESULTADONAN
Sugar 11, Gamers 5
Sugar tabatin 9 hit ku 3 eror. Dicson Acosta a gana. Rafael Leal a bai di 1-1. Ricardo Vera, Luis Offredy, Adan Adames i Dennyss Puerta, tur a bai di 2-1. Dicson Acosta a bai di 3-2. Pa Gamers 5 hit sin eror. Shayron Sambo a pèrdè. Alexander Rodriguez a bai di 2-2 i Dimitri Leon di 3-2.
Thrillers 6, Terremoto Giants 4
Thrillers a dal 6 hit i hunga sin eror. Ruwel Matrona tabata ganadó. Ruwel Matrona ku Vernon Bautisma, ámbos di 1-1. Ludson Roberto i Aldair Daal a bai di 2-1, ámbos. Carlton Daal a bai di 2-2. Terremoto Giants tabatin 4 hit ku 1 eror. Jeandre do Tanque Pereira a resultá pèrdèdó. Regino Winklaar, Gilmar Velder i Robertico Ramazan, tur a bati di 1-1. Robert Ramazan a bai di 2-1. Regino Winklaar a konektá 1 homerun.
INFORMASHON DI BEISBÒL I SÒFTBÒL
Fanátikonan di Deporte Korsou, bon siman. Djaweps e delegashon di Little League di Kòrsou, Liga Pabou, kampion di Karibe a sali pa Williamsport Pennsylvania (USA). Nos selekshon lo representá Karibe na e kampionato Mundial di Little League ku tin kobertura total di e prestigioso kanal di televishon ESPN. Djaweps e delegashon a move i den kurso di wikènt i otro siman mayor i fanátikonan lo move pa Williamsport. Djabièrnè 12 di yüli den oranan di mainta tempran selekshon Junior a move pa Aruba pa sigi pa Taylor (Michigan). Kòrsou tin un título Mundial di Junior ku nan a gana na 2008 bou di direkshon di Didi Gregorius, Sor Moesquit i Rodney Carolina. Didi Gregroius ta ku e selekshon aki komo coach. Manager ta Sharlon Nanoy i e otro coach ta Ludson Roberto.
* * * * *
Hopi kobertura i hopi moveshon den e dianan benidero pa nos selekshonnan aya na Williamsport. Naturalmente selekshon Junior tambe lo haña kobertura via ESPN 2, pero esun ku mas kobertura ta Little League naturalmente. Little League ta start djarason dia 17 i terminá djadumingu 28 di ougùstùs, Junior League ta start djadumingu 14 i terminá djadumingu 21 di ougùstùs. E selekshon Little a train último biaha djamars i varios hóben a train djarason riba nan mes, entre otro na Bam Bam Tech di Hensley Meulens aya na Sambil.
* * * * *
Ban pa Slowpitch un ratu. Djaweps mester tabatin dos wega di Liga 40 anochi na Van Engelen Ballpark. Hopi interkambio di app den group di dirigentenan di Liga 40. Mayoría ta haña ku e bala ta muchu bibu i tin un grupo ta haña ku mester keda ku mesun bala. Asta tin ekipo ku a menasá di hala kita si kambia e bala ku ta hungando kuné pa un bala ménos bibu. Diskushonnan tabata kayente dado momentu. Mester wak kiko mayoría lo bisa i tuma un desishon. Liga 40 a kai basta atras na ekipo último añanan. Ekiponan manera Happy Stars i Navegantes a bai laga Liga. Na e momentunan aki tin 5 ekipo, Swift, Crazy Tigers, Baranka, Gamers i Jaws. Ekipo Jaws por broma ketu bai ku nan tin ekipo den tur 4 liga, Liga van Engelen (liga di e hóbennan), Liga 40, Liga 50 i Liga 60.
• * * * * *
Liga 50 mester a sigi ku 4 wega djasabra 13 di ougùstùs na Van Engelen Ballpark. Segun nos ta dos wega a bai dor. Ban Serio a gana Pitufos 9pa 6. Ekipo Lions tin barwacht i Catpower ta liber. Standing promé te ku weganan di 6 di ougùstùs ta Baranka 4-0, Flamboyan 4-2, Jaws 4-1, Ban Serio 3-2, Marlins 3-2, Pitufos 4-3, Lions 2-3, Catpower 2-4, Artemisia 1-5 i Sluggers 0-5. Mientras tantu Ban Serio a bai 4-2 i Pitufos 4-4.
* * * * *
Skèdjel di buelta number dos di Liga 60 a sali. Djadumingu awor falta un wega di buelta number 1, pa 11’or ta Nos Power vs Nos Tambe Por i pa 2’or ta Wega di Strea. Ekipo Nos Tambe Por ta invikto ketu bai ku rekòrt di 6 ganá i 0 pèrdí. Pitufos den gran forma den nan promé aña di 60+ tin rekòrt di 6-1. Ta sigi Jaws 4-3, Mon Repos Sluggers 3-4, Curacao Super Stars 2-4, Nos Power 1-5 i Lions 1-6. Pa loke ta trata lidernan individual Wendell Isidora di Sluggers tin .538, Marlon Winklaar (Los Amigos) .471, Danchelo Moesker (Lions) .400, Luis Coffie (Pitufos) .364 i Heinrich Wever (Lions) .333. Den kareda empuhá Richenel Boeldak (Sluggers) 7 empatá ku Rignald ‘Naai’ Hooi di Pitufos. Ta sigi Luis Coffie (Pitufos) i Renato Anasagasti (Nos Tambe Por) 5 i James Jackson di Mon Repos Sluggers ku 4.
* * * * *
Norman Provence (Los Amigos), Richenel Rafaela (Nos Tambe Por) tin un ERA di 0.00. Wim Felicia (Nos Tambe Por) 0.41, Lesley Martina (Pitufos) 0.78 i Richard Albertsz (Nos Power) 0.95. Ponche tirá Siegfried Lopez (Nos Tambe Por ) 8, Ellison Brunken (Nos Power) 8, Ramon Moreta (Lions) 7, Willem Felicia (Nos Tambe Por) 6 i Frensel Martinus (Los Amigos) 4. Basta hungadó di tempunan di gloria di Slowpitch añanan 80, 90, 2000 bin ariba ta moviendo den gran forma den Liga 60. Kòrda Liga di Nos Tur, Beisbòl Veterano, Liga Amstel i Liga Van Engelen tambe ta sigi den wikènt.
