Torneo Crème de La Crème – 19 Edishon
Meta di Torneo
1. Duna e hóbennan oportunidat di por saboriá e sensashon di hunga kontra hungadónan ku nan no ta topa den kampeonato regular, den un torneo grandi.
2. Duna nan oportunidat pa topa hungadónan di otro pais i partisipá den un torneo internashonal.
3. Duna nan e chèns di hasi esaki dilanti di nan famianan, amigunan i públiko lokal. Hungadónan lo hunga kontra di otro i no kompetí ku otro.
Komishon organisadó
Monique de Haseth Presidente
Rolando Chirino Vise Presidente
Javier Specht Sekretario
Ghisyiska Jansen Tesorero
Oswin Lint Direktor di torneo
Carlos Evertsz Komisario
Erayna de Medeiros Komisario
Emmylou Jakoba Komisario
Urny Florán Konsehero
Shelwyn Salesia Konsehero
Spònsernan di Crème de la Crème
Pa organisá un torneo di e magnitut aki tin hopi gastu envolví, danki na tur nos spònsernan ku nos a logra e aña aki tambe pa organisá e torneo di Crème de la Crème. Nos spònsernan mayó ta; Algemeen Pensioenfonds van Curaçao, RBC Royal Bank, The Kenley Jansen Foundation i Fundashon Desaroyo Deportívo Kòrsou.
Nos otro spònsernan ta Coca Cola, Lovers, Cursoft, General Catering i Martijn Trading. Komishon organisadó ta sumamente gradisido na tur nos spònsernan.
Palabra di Presidente
Little League ta wòrdu hunga den alrededor di 6,500 komunidat den mas ku 80 pais rònt mundu. Un kantidat di kasi tres mion hóben ta partisipá den e programa. Nos pais, Kòrsou, tambe ta forma parti di e organisashon di Little League International ku ta situá na Williamsport. Organisashon di Little League na Kòrsou ta konta ku 5 liga kual nan ta tres di baseball; Pariba Little League, Pabou Little League i Willemstad Little League, un liga di softball esta Soriada Juliana Little League i un liga di Challenger ku ta Aminta Sprockel Little League. Huntu Kòrsou ta konta aktualmente ku 157 ekipo forma dor di hóbennan pelotero di 3 te ku 16 aña di edat Den baseball nan ta parti den 7 diferente divishon.
Tur aña di nobo tin un kampeonato lokal di e liganan, un torneo di distrito pa determiná representante di kada pais i un torneo regional pa saka e representá di e region den mundial di 4 diferente divishon den baseball. Manera nos por tuma nota ta ku un kantidat relativamente chikí di e hóbennan ta logra partisipá na un torneo internashonal. Ta p’esei 19 aña pasa Lando Chirino a bin ku e idea magnífiko pa duna mas hóben e oportunidat aki i a kuminsá ku e torneo di Crème de la Crème. Di e forma aki tur hóben di Kòrsou ku ta hunga den divishonnan di Minor i Little tin oportunidat aki.
E aña aki lamentablemente pa motibu di COVID-19, nos di komishon organisadó a haña nos mes obligá di kanselá e edishon internashonal. Di otro un banda e torneo di Crème de la Crème 2020 lo brinda oportunidat na tur e hóben pa hunga weganan di entre liga, lokual ta hopi importante pa e peloteronan aki su desaroyo.
Manera ta un kustumber komishon organisando di Crème de la Crème ta rekonosé i honra un òf mas baluarte tur aña. Esaki pa duna balor na esnan ku a yuda den desaroyo di baseball di nos hóbennan. E aña aki nos di komishon ta honra Stanley "Hino" Simmon i Antonio "Toncha" Simmon, ku pa hopi aña ta dedikando nan tempu boluntariamente na nos hóbennan. Dos ruman ku no solamente a hunga bala pero nan a trein i pasa nan konosementu na e generashonnan di pelotero i coach ku ta sigui. Na nòmber di Crème de la Crème nos kier a yama danki na Coach Hino i Coach Toncha.
Nos ta gradesí nos patrosinadornan tambe ku apesar di e krísis di COVID-19, ta sigui duna nan aporte pa desaroyo di beisbòl den nos komunidat. Nan ta kontribushon ta pone ku Crème de la Crème 2020 lo no a bira un realidat. Nan ta APC, RBC Royal Bank, Kenley Jansen 74 Foundation, Fundashon Desaroyo Deportivo Kòrsou (FDDK), e patrosinadornan prinsipal di e torneo i ko-patrosinador Coca-Cola, Lovers, Cursoft, General Catering i Martijn Trading.
Nos lo tuma tur prekoushon nesesario rondó di COVID-19 pa nos por hasi e torneo aki un memorabel pa nos hóbennan. Nos ta ferwagt di risibí e apoyo i koperashon di un i tur e aña aki tambe.
Presidente, Monique de Haseth-Mendes
