Dick Advocaat ta konvoká 23 hungadó entre nan Bazoer, Chong, Sambo i Sint Jago
WILLEMSTAD- Durante un konferensia di prensa ku e tuma lugá na Corendon djabièrnè 22 di ougùstùs, DT di selekshon di futbòl di Kòrsou sr. Dick Advocaat a anunsiá e lista di 23 hungadó ku a keda konvoká pa nos próksimo kompromisonan di dia 5 i 9 di sèptèmber 2025 kontra Trinidad & Tobago afó i Bermuda na kas.
Hungadónan ku prensa, fanátiko i pueblo tabata pidi ta aparesé riba lista entre otro Richedley Bazoer, Shurandy Sambo, Tommy Sint Jago, Tahith Chong i otronan.
Durante e konferensia di prensa a hiba palabra, Minister di Enseñansa, Siensia Kultura i Deporte sr. van Heydoorn, presidente di FFk sr. Gilbert Martina i naturalmente sr. Dick Advocvaat. Miembronan di prensa tabatin oportunidat pa hasi pregunta na esnan ku a hiba palabra. Riba e ‘flyer’ por mira e nòmber di 23 hungadónan konvoká.
