Direktiva di FDOK ku komunikado Stadion Jean francisca i alabes miembro di Honor FFK
WILLEMSTAD - Direktiva di FDOK tambe na nòmber di su miembro nan ta felisitá Pres. Di FDOK sr. Rignaal “Jean” Francisca ku e rekonosimentu risibi serka Direktiva di FFK.
Djadumingu 19 di desèmber stadion di FFK a keda batisá komo ”Stadion Rignaal “Jean”Francisca” Tambe sr. Francisca a keda instalá komo miembro di Honor di FFK.
E seremonia a tuma lugá den presensia di su kasa, su 2 yu muhénan. Min.Pres G.Pisas, Min. di deporte i Kultura Sr. S. van Heydoorn i tambe otro invitadonan ku tabata presente.
Sr. Francisca su trayektoria den futbòl ta hopi largu.
Sr. Francisca su pashon pa futbòl a kuminsá for di un edat relativamente yòn.
I a sigui krese segun e aña nan ta pasa. Un trabou ku e la hasi ku hopi amor i dedikashon ku a pone ku for di 2000- 2019, 19 aña konsekutivo e la keda na kabes di e Federashon di Futbòl Kòrsou (FFK).
P’esei meresidamente e la wòrdu honrá awor ku e ta na bida.
I ta esei ta yena nos ku hopi satisfakshon.
Danki na Direktiva di FFK.
Sr. Jean Francisca un biaha mas Pabien ku e rekonosimentu nan di parti di
- Direktiva FDOK
- Personal di FDOK
- Miembronan di FDOK
