Double Header krusial awe djasabra 11 di aprel pariba kontra Pabou den Little League ku e seri empata na 2
WILLEMTAD - Awe, djasabra 11 di aprel tin e ‘double header’ krusial entre Pariba i Pabou 2.30 i 6’or den Stadion psot 6. Lo ta un transmishon ku Extra.cw en kadena ku Telecuracao. Nos itn mas detaye i e resultadonan di siman.
Pabou ta gana ParibA 4-2 i empatá e seri Regional di Little League na 2 wega
WILLEMSTAD – Pabou ku picheo kombiná di Raygene Raphaela i T’Sheandrick Fraai ta gana Pariba ku skor di 4-2 i empatá e seri di playoff Regional na 2 wega. Ku e wega empatá na 2 kareda, despues di 4 inning, Pabou ta nota dos kareda den kabes di di 5 inning i wanta e ventaha e sigiente dos inningnan pa bai ku e viktoria. T’Sheandrick Fraai a relevá den bom di di 5 inning, tira a un base bola, yena base sin out pa despues saka 3 out sigi. Wega number 5 i 6 di e seri lo tuma lugá djasabra 11 di aprel den Stadion Post 6.
Wega number 1 di djasabra lo start 2.30 pm i wega number dos lo ta 6’or pm. Promé ku e wega di ayera tabatin un seremonia kaminda Curacao Little League i Aminta Sprockel Challenger Little League a honra Gilbert Snijders eks presidente di Aminra Sprockel Little League. Gilbert Snijders a risibí un reglao di e liga den presensia di direktor regional sr. Carlos Pagan, District Administrator sr. Urny Floran i presidente di Aminta Sprockel Challenger Little League Bryan Goilo.
Numeritonan
Pabou a nota 4 kareda, dal 9 hit i hasi 2 eror. T-Sheandrick Fraay tabata e picher ganadó i D’Lisson Fraay a bati di 3-3.
Pariba a nota na 2 okashon bati, 4 hit u hunga sin eror. Juriensley de Windt tabata e picher pèrdèdó Steven Felix, Jaymiel Martina i iñ Shardijon de Lanooi a bati di 1-1.
