Dylan Harms a firma ku Wild Cats
WILLEMSTAD- Dylan Harms ku na 2021 a hunga ku Santa Rosa Indians, a firma ku Wild Cats djarason último. Dylan Harms lo bai hunga segunda base i shortstop pa Wild Cats. Harms ku tabata den gran forma den 2021 ku Santa Rosa a bati .270 durante temporada regular. Den play-off Dylan a bati .333 den 4 wega kontra di Royal Scorpions.
![](https://uploads-ssl.webflow.com/5d34a02fd1cb7f04ec361a56/5f2eb964e28334363c045f34_asars%20aviso%20pa%20wepsait%20080820%20real%20.jpg)
![](https://uploads-ssl.webflow.com/5d34a02fd1cb7f04ec361a56/624997b90e872604c570901d_Dylan%20Harms%20despues%20di%20a%20kaba%20di%20firma%20ku%20Wild%20Cats%202.4.jpg)
![](https://uploads-ssl.webflow.com/5d34a02fd1cb7f04ec361a56/5f09b0503967fc5b87435fac_top%20prof%20cleaining%20logo%201.jpg)
Un refuerso formal pa Wild Cats i probablemente Dylan Harms lo hunga segunda base regular den 2022. Un hungadó ku no muchu fama di selekshon, pero ku ta hasi e trabou. Promé ku 2021 Dylan Harms a hunga 3 temporada ku Royals Scorpions. Ta un hungadó ku a kuminsá for di 4 aña den organisashon DABA di Hensley Meulens, sigi pa Montab serka Darcy Martinus i despues Santa Rosa. Djarason siman pasá nos a mira Dylan Harms den akshon den tunnel di Bam Bam Tech na Sambil ku ekipo Wild Cats. Dylan Harms di 22 aña a filea tremendo ku solamente 3 eror den 54 chèns pa un bon averahe di fildeo di .944.
![](https://uploads-ssl.webflow.com/5d34a02fd1cb7f04ec361a56/61f1502867942cd53d748588_vanddis%20aviso%20real.jpg)
![](https://uploads-ssl.webflow.com/5d34a02fd1cb7f04ec361a56/62499746808016377722f9a1_Dylan%20Harms%20i%20famia%20despues%20di%20wega%20di%20Santa%20Rosa%20Indians.jpg)
![](https://uploads-ssl.webflow.com/5d34a02fd1cb7f04ec361a56/61b5e8b6a7b7d74909d05db8_Alexander%20Provacia%20logo%20nobober%20desember.jpg)
![](https://uploads-ssl.webflow.com/5d34a02fd1cb7f04ec361a56/624997f3aebdaa6107860781_dylan%20harms%20prome%20ku%20wega.jpg)
![](https://uploads-ssl.webflow.com/5d34a02fd1cb7f04ec361a56/5f29e5e014ff3eaae4b52abd_earl%20aviso%20real%20pa%20wepsait%20040820.jpg)
![](https://uploads-ssl.webflow.com/5d34a02fd1cb7f04ec361a56/624997fa4e08db87a0d60148_IMG-20220331-WA0100.jpg)
![](https://uploads-ssl.webflow.com/5d34a02fd1cb7f04ec361a56/62085afeb771062b215438c1_E%20faborito%20edifisio%20kompletu.jpg)
Fanátikonan di Deporte Korsou, felis siman. Torneo Hope 2022 a start, djasabra i djadumingu tin masha hopi wega tantu riba tereno A komo tereno B. Hopi ekipo tin problema pa hunga den dia i mayoría ekipo ke hunga anochi anto den oranan lat di anochi. Organisadónan ta man na kabes i mester wak kon ta bin ku un Liga Hope di mardugá manera tempu di Liga Dok di mardugá aya na Dominguito.
![](https://uploads-ssl.webflow.com/5d34a02fd1cb7f04ec361a56/5f681172b527de982d2c831c_stanley%20palm%20real%20200920.jpg)
![](https://uploads-ssl.webflow.com/5d34a02fd1cb7f04ec361a56/62499df96fbc447cbd3b83e6_20220402_183231.jpg)
![](https://uploads-ssl.webflow.com/5d34a02fd1cb7f04ec361a56/5f0b4b2983851699216f754b_geyo%20aviso%20real%20real%20pa%20wepsait.jpg)
* * * * *
Ekipo Marlins a tene un reunion entre hungadónan pa organisá e torneo Kopa ABC 50+ ku lo tuma lugá dia 27 di aprel pa 2 di mei na Van Engelen Ballpark. 9 ekipo di Kòrsou, 2 di Aruba i 1 di Boneiru lo partisipá na e Kopa ABC. Marlins kompletu lo hinka nan skouder bou di e evento ku ta primintí di bira un éksito kompletu. Ta for di 2018 tabatin Kopa ABC kaminda ekipo Ban Serio a titulá kampion aya na Aruba. E torneo ta dediká na Johnny Martina (QPED) ku tabata centerfielder estelar i tesorero di ekipo Marlins 50+.
![](https://uploads-ssl.webflow.com/5d34a02fd1cb7f04ec361a56/61deffe758817b587c709fc3_edichi%20dream%20reality%202.2.jpg)
![](https://uploads-ssl.webflow.com/5d34a02fd1cb7f04ec361a56/62499f3f2969d3bcba7ec3ed_marlins%20reunion%202.0.jpg)
![](https://uploads-ssl.webflow.com/5d34a02fd1cb7f04ec361a56/5f4aabc44bc82707c2a0d5ed_fayad%20aviso%20aviso%20real.jpg)
* * * * *
Pa loke ta Beisbòl Dòbel A, ekipo Wild Cats a firma Dylan Harms di Santa Rosa ku ta segunda base i por hunga shortstop tambe riba nivel haltu. Ku baimentu di Calten Daal di Wild Cats pa Santa Rosa, a mira nesesidat di profundidat den Wild Cats i mesora a aserká Dylan Harms pa e bini e ekipo kampion. Dylan Harms tabata regular na segunda base pa Santa Rosa temporada 2021 i a hasi un gran trabou. Tremendo atkisishon di Wild Cats ku ke bai pa un dinastía loke a bira hopi difísil den e Beisbòl di awendia aki na Kòrsou. Ta Wild Cats a yega di bira kampion 8 biaha sigí, Santa Rosa, Santa Maria i Alpha Zelbo 3 biaha sigí den pasado.
![](https://uploads-ssl.webflow.com/5d34a02fd1cb7f04ec361a56/61b9487d237a5c69f741a73d_greenhouse%20logo.jpg)
![](https://uploads-ssl.webflow.com/5d34a02fd1cb7f04ec361a56/62499ff27b96d374b90d7b48_dylan%20harms%20na%20bate.jpg)
![](https://uploads-ssl.webflow.com/5d34a02fd1cb7f04ec361a56/61b60e5519f74f3a7d2fafe5_Alexander%20provacia%20preisnan%20desember.jpg)
* * * * *
Santa Maria ta pendiente pa firma e 3 hungadónan ku nos a menshoná un ora pa otro. Ta trata aki di Curtje Doran, Kevin Moesquit i Yurendell De Caster. Resientemente Yurendell de Caster a bisa nos ku e ta rumbo pa Santa Maria i ku ta algún detaye falta pa e firma ku e ekipo di bario kaminda ela kuminsá ku su karera. Santa Maria lo trata di drecha nan picheo pa nan ta mas kompetitivo pa bai bèk final. Santa Maria ta e ekipo ku a hunga den mas final último 20 añanan. Di 2003 pa 2018 Santa Maria tabata sólido i den kasi tur final.
![](https://uploads-ssl.webflow.com/5d34a02fd1cb7f04ec361a56/5f29dfab151b3f4455168eba_gai%20lihe%20aviso%20real%20pa%20webiste.jpg)
![](https://uploads-ssl.webflow.com/5d34a02fd1cb7f04ec361a56/62085afeb771062b215438c1_E%20faborito%20edifisio%20kompletu.jpg)
* * * * *
Pitufos lo ta na Aruba fin di mei. E otro ekiponan di 50+ ku mester a bai Aruba a wanta un ratu i Pitufos lo bai ku algún refuerso tremendo di otro ekiponan. Pitufos lo bai ku dos outfielder di Marlins pa Aruba den e torneo internashonal ku ta dediká na Lionel Sambo. E torneo ta konta ku partisipashon di ekiponan di Kòrsou, Aruba, Boneiru, República Dominicana i Puerto Rico. Ta un torneo ku lo sigi den e añanan benidero. Nos ta pendiente di mas detaye di e organisadónan.
![](https://uploads-ssl.webflow.com/5d34a02fd1cb7f04ec361a56/6249a0d1524a9459e518026e_255019837_3738847826341039_6920067877687176828_n.jpg)
* * * * *
Nos tin skèdjel di Torneo The Brothers ku lo sigi e wikènt aki na Tata Beaumont Ballpark. Djasabra pa 10.30’or lo tin un wega amistoso. Den e di dos wega pa 13.00’or ekipo The Brothers ta hunga kontra Isla Crackers i despues pa 15.30’or ta sigi Santa Maria kontra Marchena. Djadumingu 3 di aprel pa 10.30’or tin wega amistoso atrobe i pa 13.00’or Marlins lo hunga kontra Azucar i despues Isla Crackers vs Vosama. Wikènt 9 i 10 lo tin semi-final i final. Pa loke ta Little League, djasabra) tabatin anunsio importante di play-off i mas detaye riba Facebook page di Curacao little League.
![](https://uploads-ssl.webflow.com/5d34a02fd1cb7f04ec361a56/6249a255e2c35ade2c9caad0_little%20league%20skedjel%202.0.jpg)