Ekipo Basic ku homenahe na Boy Louisa i Torneo Internashonal di Sòftbòl Femenio Veterano organisa pa Un Kara
WILLEMSTAD - Djadumingu dia 7 di aprel èks hungadónan di Basic's Baseball Team a rendi homenahe na Lucardo " Boy " Louisa èks pelotero i manager pa su kontribushon i dedikashon na e deporte di Beisbòl.
Un plakat a keda entregá na Boy komo muestra di apresio i gratitut na Basic's Baseball Team i na Beisbòl en general. E organisashon tabata den man di Elmer Soliana, Roderick Pop i Raymond ‘Moonchi’ Rovina. Keda pendiente pa mas di Boy Louisa ku e grupo menshoná ta konsiderá un dje grandinan di Beisbòl ku a keda lubidá i no a haña e atenshon manera mester ta.
Torneo Internashonal di Sòftbòl Femenino Veterano organisá pa ekipo Un Kara
WILLEMSTAD- Di djaweps 11 di aprel pa djadumingu 14 di aprel tin un torneo internashonal di Sòftbòl Femenino Veterano organisá pa ekipo Un Kara. E torneo lo tuma lugá na Sam Bunting Ballpark na Brievengat i ta konta ku partisipashon di ekiponan di Canada, Boneiru i Kòrsou. Di Boneiru lo kompetí e ekipo Yellow Birds i di Kòrsou Rising Phoenix, Treasure i Nos Goso, tres dje grandinan di Sòftbòl Femenino Veterano di Kòrsou.
Naturalmente Canada tambe lo kompetí ku su ekipo di Sòftbòl Femenino Veterano. Djabièrnè anochi despues ku wega number 1 terminá lo tin apertura ofishal mas o ménos 8.30 pm. Pa promé biaha den historia nos lo tin un ekipo di Canada aki na Kòrsou.
SKEMA
Djaweps 11 aprel:
19.30 Canada vs Rising Phoenix;
21.15 Treasure vs Nos Goso.
Djabièrnè 12 aprel:
19.00 Yellow Birds vs Rising Phoenix;
20.30 Apertura ofishal;
20.45 Treasure vs Canada;
22.30 Yellow Birds vs Nos Goso.
Djasabra 13 Aprel:
14.30 Canada vs Yellow Birds;
16.15 Canada vs Nos Goso;
18.00 Rising Phoenix vs Treasure;
19.45 Yellow Birds vs Treasure;
22.30 Rising Phoenix vs Nos Goso.
Djadumingu 14 Aprel:
Semi final
11.00 1 vs 4;
13.00 2 vs 3;
15.00 Wega amistoso;
17.00 Final.
MAS INFORMASHON DI SÒFTBÒL I BEISBÒL
Lesadónan di Deporte Kòrsou bon dia i felis siman. Torneo Hope, Diamond All Stars League, Liga Streanan di Ayera i Torneo Kid Boca Chica a sigi den fin di siman den gran forma. Naturalmente den kurso di siman nos tin e resultadonan. Djadumingu na Sam Bunting Ballpark tabatin kontinuashon di Liga Streanan di Ayera ku ta e Liga 50+ di nos damanan sòftbòlista. E liga a bai Sam Bunting Ballpark un ratu debí ku tabatin Torneo Kid Boca Chica na Frank Curiel Ballpark. Den Liga Streanan di Ayera tabatin tres wega i kompetensia di maramentu di lensu ku un bar i kushina bon surtí manera semper. Kòrda e liga su nòmber ta Liga Deseo di Streanan di Ayera i ta fundá kasi 30 aña pasá pa Marlene Obispo.
* * * * *
Nos a tuma nota di resultadonan di Diamond All Stars League di wikènt pasá. By the way, ekipo Rising Phoenix no ta invikto mas i algun siman pasá nan a pèrdè ku skor di 7-0 kontra di ekipo Nos Goso. Ekipo Nos Goso ta kampion di e liga tur e dos añanan di eksistensia. Ke mèn, nan ta kampion di 2022 i 2023. Na e momentunan aki ekipo Nos Goso ta na di 3 lugá ku rèkòrt di 5-3 tras di Treasure New Era i Rising Phoenix. Nos tin e standing kompletu. Rising Phoenix 7-1, Treasure New Era 5-2, Nos Goso 5-3, Mas Goso 2-5 i The Fighters den sótano ku rèkòrt di 0-8.
* * * * *
Pa loke ta trata weganan di wikènt pasá, ekipo Rising Phoenix a dal Mas Goso 13-2 i despues Treasure New Era a zona The Fighters 10-0. Djasabra Nos Goso a dal nan ruman mas chiki Mas Goso ku skor di 10-6 i Rising Phoenix mester a lucha pa gana The Fighters 7-4. Nos ta pendiente pa pone e resultadonan mas kompletu. Wikènt aki tin un torneo internashonal organisá pa ekipo Un Kara di Sòftbòl Femenino Veterano. E torneo ta konta ku partisipashon di ekiponan di Canada, Boneiru i Kòrsou. Ekiponan di Kòrsou ku lo hunga den e torneo ta Rising Phoenix, Nos Goso i Treasure. Weganan ta dia 11, 12,13 i 14 di aprel i lo tuma lugá na Sam Bunting Ballpark. 5 ekipo ta den e torneo i tur ekipo lo hunga 4 wega den 3 dia i despues hunga final. Esnan ku yega te final lo hunga 6 wega den 4 dia. Mester ta bon reforsá, debí ku tin hopi wega tras di otro, leshonnan por kai. Pero ya, semper asina ta torneo den tur kategoría. No ta bini te Kòrsou pa hunga dos wega so.
* * * * *
Miéntras tantu nos ta preparando pa e honors night di FDOK, kaminda varios sòftbòlista i pelotero a drenta Salon di Fama. Esnan di Sòftbòl i Beisbòl ta Leonise Avastia (Sòftbòl), Frank Curiel (Beisbòl), Kenneth Gijsbertha (Sòftbòl i Beisbòl), Benigno Imperator(Sòftbòl i Beisbòl), Xiomara de Lanoi (Sòftbòl) i Joseph Martina (Beisbòl i Sòftbòl). E otronan ku lo drenta Salon di Fama ta Hensley Rondei (Dam), Nooi Girigorie (Futbòl), Ramiro Hart (Vòlibòl) i Ruthsel Martina (Atletismo). E anochi di gala kaminda lo honra esnan ariba menshoná lo ta djarason 24 di aprel na WTC den un programa di 6’or pm pa 10.30 pm. Mesun anochi lo tin tambe Nochi di Premiashon kaminda lo premia deportistanan ku a destaká den 2023.
* * * * *
Pa loke ta trata Beisbòl Veterano djaweps awor tin reunion general na Landhuis Salinja Ariba, probablemente último reunion promé ku start kampionato. Siman pasá nos a skibi di vários hungadó di Santa Maria Pirates ku a move, awèl ekipo Santa Maria ta bibu bibu i tin algun hungadó di entre 40 pa 42 aña den gran forma pa reforsá nan ekipo. Dirigentenan manera Kenneth Gijsbertha i Roy Jakoba a mobilisá i tin un picher di fama i dos infielder kandela na kaminda. Ke mèn Santa Maria tei pa kompetí fuerte den kampionato 2024 di Beisbòl Veterano. Bon notisia pa esnan di 50+. E ekiponan a bira 6 i e kompetensia a bira un tiki mas fuerte i agradabel. Ekipo Santa Rosa Memories i un ekipo Energy di Glenn Isebia-La Cruz. Den 40+ tin un ekipo nobo ku ta Flamingo dirigí pa Pedro Hernandez i amigunan. Nos ta keda te aki pa awe. Te otro mayan ku Poder di Dios.
%20copy.jpg)
