Di spònser pa RBC Royal Bank
Eksitoso kongreso di Beisbòl i Sòftbòl Little League
WILLEMSTAD - Djasabra 4 di sèptèmber 2021, tabatin un kongreso organisá pa Curacao Little League Foundation di spònser pa RBC Royal Bank. E kongreso ku a tuma lugá den Mancamp di Isla a konta ku partisipashon di mas o ménos 35 persona, entre otro dirigente tékniko, atministrativo, umpire i skorer di Little League. Sharier Dorand representante di RBC Royal Bank a dirigi palabra. Sharier Dorand a bisa: “Ta un plaser di representá RBC Royal Bank ku ta parti di e famia di Little League di Kòrsou, apesar di e situashon ku Mundu i Kòrsou ta pasando adén. Apesar di tur loke ta pasando adén nos mester keda hasi esfuerso pa logra lo máksimo.
Ban sigui traha i mustra Mundu ku nos por i ta logra ora nos tur fokus riba un mihó Korsou. RBC ta determiná pa den nos komunidat semper sigui kontribui i tin Kòrsou na pechu. Huntu nos ta sigi traha pa Little League Beisbòl di Kòrsou. Danki na Curacao Little League Foundation i tur boluntario ku ta sakrifiká i ta forma nos muchanan i hobennan pa ta un miho hende.
E programa a start ku interpretashon di un kantika Gospel dor di sra. Libiee-Casimiri, sigi pa orashon di Pastor Israel, Himno interpretá pa sra. Libiee-Casimiri. Himno nashonal, speech di Sharier Dorand di RBC Royal Bank. Segidamente direktivamente di organisashonnan a introdusí nan mes. Umpirenan en hefe Sandley Martina a splika e akuerdo ofishal entre e kuerpo di umpire di Little League i Curacao Little League Foundation.
Durante e programa di e kongreso a pasa riba e agenda di Little League pa lunanan benidero, Komishon tékniko, Struktura i Filosofia di Little League i kambio di frontera/limite di liganan pa futuro.
Promé ku lunch tabatin resultado di enkuesta ku un komishon instalá dor di Curacao Little League Foundation a hasi durante e siman ku a pasa.
RBC a firma kontrakt ku liganan di Little League durante di e kongreso. Debí na pandemia i medidanan den kuadro di Covid-19 i hopi otro aspekto, RBC Royal Bank i Curacao Little Legaue a skohe durante e kongreso pa firma e kontrakt di 2021.
Despues di lunch tabatin un asina yamá ‘mesa rondo’ kaminda hopi tópiko importante den desaroyo di Little League a bini dilanti. A parti e dirigentenan di Little League i umpirenan den 3 grupo variá pa deskutí e desaroyonan ultimo i pa un mihó Little League den futuro. A sigi resultado di mesa rondo, klousura dor di District administrator sr. Urny Floran sigi pa un Happy Hour na final.
