Eureka kampion Liga Streanan di Ayera 50+
WILLEMSTAD - E tim di Eureka den un wega di hopi tenshon djadmingu 16 yüli a titulá kampion ganando di e tim Tur Goso ku skor di 3 pa 2. Di e forma aki e kampionato di Liga Deseo Streanan di Ayera 2023 a yega na su fin ku a resultá un éksito kompletu.
Un Sam Bunting Ballpark yená ku fanátiko a mira un bunita wega di Sòftbòl di nos damanan di 50+
Un wega ku tabata sero pa sero te den bòm di 4 a bin konosé e promé dos karedanan na momentu ku e picher a kometé un eror. Ku e promé dos kareda, despues djei e kabai di heru pa Eureka ku tabata picher Grace Girigorie a keda ku dominio riba e bateadónan di Tur Goso ku ta te den kabes di 7 ining ta skor 2 kareda pa empatá e wega. Den bòm di 7 ku e wega empatá na dos ku base yen i ku dos out, un bataso pa centerfield e bala ta kai i den e forma ei Eureka ta anotá e kareda pa asina titulá kampion di Liga Deseo Streanan di Ayera.
Di e forma aki e liga a konosé un kampion nobo den e tim di Eureka.
Numeritonan final
Eureka tabatin 3 kareda, 4 hit i 4 eror. Pitcher ganadó tabata Grace Girigorie i mihó bateadó a resultá Dalilah Martina ku a bai di 3-2. Pa Tur Goso 2 kareda, 3 hit i 3 eror. Pitcher pèrdèdó a resultá Sevilla Martina i na bate Juglin Winklaar i Sona Valies , ámbos di 3-1 i Asila Finies di 2-1.
Di e forma aki e komishon organisadó di e kampionato ku Mellisa Rosalina na kabes, por mira atras riba un bunita i un bon kampionato.
PREMIONAN INDIVIDUAL
Kampion Pitcher: Grace Girigorie ( Eureka) ku 4 ganá i 1 pèrdí;
Mihó Bate: Natasha Marselia ( Tur Goso ) avg 588;
MVP: Grace Girigorie ( Eureka);
Premio Estimulo: Olinda Laurensia ( Golden Girls) un kètcher ku a kètcha tur wega di su tim;
Kampion Eureka;
Supkampion Tur Goso;
3e Treasure Pluss;
4e Unidos;
5e Golden Girls;
E komishon ta spera ku pa próksimo aña nos lo tin un di 6 tim den Liga 50+ i ta bai habri e posibilidat pa Liga 40+ damas, pa asina ta traha dam warda awa pa e Liga 50+ tin durashon di mas aña.
Isla Crackers ta dal Santa Rosa Memories 12 pa 5 den Beisbòl Veterano
WILLEMSTAD - Isla Crackers ku picheo di Stanford Landburg i bateo di Roderick Eustatius a dal Santa Rosa Memories ku skor di 12 pa 5. Den otro wega di djasabra Yesterday a dal Marlins 14 pa 5, The Brothers ta blankia Marchena Stars 8-0. Djadumingu Quality a nòkout Vosama 11-1, Jandoret a gana Otranda pèrtá 5-4 i Santa Maria a nòkout Azucar 10-0.
Djasabra 15 di yüli
Yesterday 14, Marlins 5
Yesterday tabatin 10 hit ku 2 eror. Pernell Sprott a gana i Sherwin Schoop a bai di 2-1. Zhurendel Ilaria di 4-4 i Andley Simmons a bai di 4-3. Pa Marlins 8 hit ku 5 eror. Orlando Gerard a pèrdè i Bienvenido Sierra Martinez a bai di 1-1. Froilan Grotestam di 2-2 i Freddy Castillo Garido di 2-1.
The Brothers 8, Marchena Stars 0
The Brothers a dal 8 hit i hunga sin eror. Richel Angela tabata ganadó. Ramses Elisabeth a bai di 2-2 i Ernesto Torres a bai di 3-2. Marchena Stars tabatin 3 hit ku 4 eror. Vernon Pieternella a resultá pèrdèdó. Jurien Martina a bai di 2-2 i Francisco Alcantara di 2-1.
%20copy.jpg)
Isla Crackers 12, Sta Rosa Memories 5
Isla Crackers tabatin 11 hit i nan a kometé 1 eror. Stanford Landburg a bai ku e viktoria. Ranties Rosina a bai di 1-1, Roderick Eustatius di 2-1 i Stanford Landburg di 3-2. Rodney Riley a bai di 4-4 i Charlton Merite a bai di 4-3. Roderick Eustatius a konektá 1 homerun grand slam. Sta Rosa a dal 8 hit I na a hasi 2 eror. Ramses Jamanika a karga ku e derota I Cedric Antonia a bai di 2-1. Egbert Polonius a bai di 3-3 I Randy Lo-A-Tong a bai di 3-2.
Djadumingu 16 di yüli
Quality Stars 11, Vosama 1
Quality Stars a dal 12 hit i hunga sin eror. Eduardo Lovera a gana i Rodney Michel a bai di 2-2. Emile Haswell ku Merieldo Trinidad, ámbos di 3-2 i Raydel Isabella di 4-3. Vosama tabatin 3 hit ku 3 eror. Felix Ibañez a pèrdè. Rochardo Davelaar, Luis Offredy ku Jason Benito, tur a bai di 2-1.
Jandoret Raiders 5, Veteranos Otrabanda 4
Jandoret tabatin 5 hit ku 3 eror. Raylan Capella tabata ganadó i Rigene Antonia a bai di 1-1. Carlton Daal i Sherdon Rombley, ámbos a bai di 2-1. Veteranos Otrabanda a dal 6 hit i hasi 4 eror. Gilbert Bernadina a resultá pèrdèdó. Ramsey Kirindongo ku Earney Sterling, ámbos a bai di 2-1. Alcides Juliana a bai di 3-2.
Sta Maria Pirates 10, Azucar 0
Sta Maria tabatin 9 hit i nan a hunga sin eror. Irvin Sambo a bai ku e viktoria. Roderick Zimmerman a bai di 2-2. Randolph Balentina, Ryan Ogenia, Eldrid Estanista, Irvin Sambo i Gerthon Matrona, tur a bai di
2-1. David Kirindongo a bai di 3-2. Pa Azucar 1 hit ku 2 eror. Royston Privania a karga ku e derota. Ian Ignacio a bai di 1-1.
Jaws ta kibra invikto di Baranka den 50+ Sòftbòl
WILLEMSTAD- Jaws riba hit di Carlos Madera ta laga Baranka den tereno djasabra último na Van Engelen Ballpark. Baranka tabatin rèkòrt di 9 ganá i 0 pèrdí promé ku e wega kontra Jaws. Den e otro weganan di djasabra último ekipo Pitufos a dal Artemisia 17-0, Ban Serio a dal Lions 11-6 i Flamboyan a gana Catpower 21-16. Standing despues di e último weganan ta Ban Serio 9-1, Baranka 9-1, Marlins 7-2, Jaws 6-4, Lions 5-5, Pitufos 5-5, Sluggers 4-5, Flamboyan 3-7, Catpower 1-9 i Artemisia 0-10.
RESULTADONAN
Flamboyan 21, Catpower 16
Flamboyan tabatin 19 hit ku 1 eror. Eithel Brunken a gana. Alberto Rafael a bai di 1-1, John Zandwijken di 2-2. Gerthon Matrona, Stanley Palm ku Lyndon Lourensz, tur a bai di 3-2. Gilbert Juliet a bai di 4-4 i Vernon De Lanooi di 4-3. Pa Catpower 17 hit ku 1 eror. Sherwin Paulina a pèrdè. Heymond Ipatia ku Ingemar Soerka, ámbos a bai di 1-1. Rivelino Moesker i Sherwin Paulina, ámbos a bai di 2-1. Elmus Poulo a bai di 2-2. Earl Virginia i Frensel Esclodina a bai di 3-2, ámbos. Wendell v/h Kruys a bai di 3-3 i Richard Campagnard di 4-3.
Pitufos 17, Artemisia 0
Pitufos a dal 18 hit i kometé 1 eror. Sharlon Hanst tabata ganadó i Sidney De Windt a bai di 1-1. Juburnie Davelaar ku Sidney Lourens, ámbos a bai di 2-1. Terry Rosina, Robertson Josepha, Jurwin Duggan ku Sharlon Hanst, tur a bai di 2-2. Norwin Moesquit i Angelo Martiena, ámbos a bai di 3-2. Abigail Vilchez a konektá 1 homerun. Pa Artemisia 3 hit ku 1 eror. Fardy Lard a resultá pèrdèdó. Denley Marten di 1-1. Charles van Thijs ku Clint Maynard, ámbos a bai di 2-1.
Ban Serio 11, Lions 6
Ban Serio a dal 12 hit i nan a hunga sin eror. Frensel Brandao a gana i Rigobert Cijntje a bai di 1-1. Sherdon Rombley, Eldred Estanista, Geronimo Daflaar, Miro Daal ku Reinaldo Casimiri, tur a bai di 2-1.
Albert Pieternella a bai di 3-3 i Kelvin Winklaar di 3-2. Sherdon Rombley a konektá 1 homerun. Pa Lions 14 hit ku 1 eror. Gurtney Adriana a pèrdè i Ronchel Daal a bai di 2-2. Hubert Sakoetoe, Nelson Jacoba, Edwin Thielman i Eugene De Palm, tur a bai di 3-2. Fabiani Orcadio a bai di 3-3.
Jaws 5, Baranka 4
Jaws tabatin 9 hit ku 4 eror. Edison Sambo tabata ganadó. Albert Hartogh ku Arnoldo Angila, ámbos a bai di 1-1. Lesley Fer i Carlos Madera, ámbos di 2-1. Fernando Rosario a bai di 2-2. Sigbert Juliana a bai di 3-2 inkluyendo 1 homerun. Baranka a dal 4 hit i hasi 1 eror. Curtly Valeriaan a resultá pèrdèdó. Edmar Cornelia, Sendly Reina ku Joseph Everon, tur 3 a bai di 2-1.
MAS INFOMASHON DI BEISBÒL I SÒFTBÒL
Fanátikonan di Extra Inning, bon tardi i felis wikènt. Kòrsou ta den gara di kampionato Latino Americano di Junior League ku partisipashon di selekshonnan di Liga Pariba i Liga Pabou. Tur dos selekshon mester a lucha pa klasifiká den nan pul. E último añanan selekshonnan di Kòrsou a klasifiká fásil den kampionatonan di Karibe i di Latino America, pero e aña aki no a bai fásil.Tur dos selekshon a klasifiká pa final ku lo tuma lugá djasabra anochi 7’or.
* * * * *
Djabièrnè den e wega di 2.30 Pariba nòkout Panama 13-1, i despues pa 7‘or selekshon Pabou a nokout Venezuela. Entrada ta gratis awe i ta spera un públiko grandísimo na Tio Daou Ballpark pa mira e wega final. Ayera Pariba tabatin e sensashonal picher Ayden Calmes kontra di Panama, miéntras Pabou tabatin e picher Jaydiar Kopra. Pabou a anunsiá e picher Davey Jay Rijke pa tira den e gran final. Di Pariba nos no a tende ainda.
* * * * *
Pariba a klasifiká ku rekòrt di 3-1 pa yega semi-final i Pabou a klasifiká ku 2-1. Pabou a skapa na dos okashon. Pèrdí 9-0 i despues 13 pa 5 den último inning e ekipo di Pabou a logra bòltu skor den e último inning pa bin gana 14-13 i laga Aruba den tereno. Pabou tabata na un out di keda eliminá djarason i ta logra bini bèk i gana Aruba. Djaweps atrobe Pabou tabata kasi eliminá na momentu ku te den final di e partido Meksiko tabata ganá ku skor di 6-3 i despues 6-4. Doblete di e 4 bate i kècher di e ekipo di Panama, ku ta Junior Saldaña ku a pone ku Panama a bai ariba, pa despues bin gana ku skor di 8-7 lagando Mexico den tereno. En todo kaso djasabra tin wega bálido pa di 3 lugá entre e pèrdèdónan di djabièrnè i djasabra anochi 7’or e gran final. Pabou a skapa mes mes i a bini bèk fuerte djabièrnè.
* * * * *
Pa loke ta trata Slowpitch, djasabra Liga 50 ta sigi na Van Engelen Ballpark ku 4 wega. Beisbòl Veterano ta sigi ku 6 wega den wikènt na Vi Jansen Ballpark. Tin weganan di Liga di Nos Tur na Frank Curiel Ballpark djabièrnè 21 di yüli i djasabra 22 di yüli. Djadumingu Liga di 60+ ta sigi na Frank Curiel Ballpark ku 3 wega. Kòrda ku awe entrada di wega final di Junior Latino na Tio Daou Ballpark ta gratis.
