FDOK ta organisá kurso pa Maneho di Deporte
WILLEMSTAD.- Federashon Deporte i Olímpiko Kòrsou (FDOK) riba djamars 3 novèmber 2020 a kuminsá ku e kurso di Sports Management nivel 1. E kurso ta duná pa e instruktor Remco Tevreden, EMBA. Tevreden ta un eksperto riba e tópiko di Sports Management ku hopi eksperensia tantu lokal komo internashonal. Den pasado resien el a duna e kurso di Sports Management nivel 1 i 2 na miembronan di FDOK.
E kurso Sports Management nivel 1 tin un durashon di 5 siman. E kurso ta tuma lugá riba djamars na ofisina di FDOK. Debí na e interes haltu a introdusí un fecha adishonal riba djaweps pero esaki virtual via e sistema di Zoom.
E 5 modulonan ku lo trata ta:
1. Struktura deportivo
2. Maneho Stratégiko
3. Komunikashon
4. Liderazgo
5. Sosial Media
