Federashon di peso ta ranka sali ku aktividat
WILLEMSTAD- Federashon di Peso Kòrsou a ranka sali ku su promé aktividat riba nan kalendario pa 2021. Djabièrnè 26 i djasabra 27 di febrüari 3 atleta lo kompetí durante e kompetensha virtual “ Copa Panamericana sub 17 i Open Colombia Para El Mundo Sub 17”.
Djabièrnè 26 febrüari lo kompeti : Arnellyson “Sontje” Doran kategoria 81kgs i Gedeon Hanson kategoria 89 kgs
Djasabra 27 februari lo kompeti : Farelies Sint Jacoba kategoria + 81kgs
Lugá di kompetensha lo ta Sala di Peso Marcel Betrian, stadion Odulio Willems, Sufisant. Por sigi e kompetenshanan via di e pagina di facebook di Federacion Panamericana de Levantamiento di Pesas.
Debí na e pandemia Covid-19 i e medidanan di prekoushon, durante henter 2020 diferente tèst a keda hasi pa kompetenshanan internashonal por sigi di forma virtual. Nos atletanan a partisipá na diferente di e kompetenshanan aki ku hopi bon resultado.
Tur atletanan di CWF a bin ta train manera kustumber ku hopi dedikashon pa asina ta bon prepará pa tur kompetenshanan tantu lokal i internashonal ku lo tin pa 2021.
Nos ta desea tur e atletanan hopi éksito.
