Final di Beisbòl Veterano suspendé
WILLEMSTAD- Djadumingu 6 di desèmber outoridatnan polisial a presentá na Vi Jansen Ballpark i pidi pa tur fanátiko bandoná e parke. Tabata wega number 3 di e gran di final di Beisbòl Veterano entre Jandoret Raiders i Quality Stars. Jandoret tabata ganá ku skor di 6-5 te den último inning i Quality Stars ta empatá riba wild pitch den último inning, inning number 7. Ku e wega 6 pa 6 ku dos out i Emile Haswell Jr na bate, Polis ta subi tereno i indiká ku fanátikonan mester move for di Vi Jansen Ballpark pa e wega por sigi. Tabatin hopi fanátiko mes na Vi Jansen Ballpark i den kuadro di reglanan di Covid-19 tabata dimas.
WEGA 2
Djasabra 5 di desèmber
Quality Stars ta gana wega number 2 di e seri ku skor di 4-1. Hayzem ‘Jimmy’ Martina tabata e picher ganadó. Ela risibí relevo di Rodney Michel. Rydell Isabella, Rodney Michel i Dayron Puriel tabatin hitnan empuhá. E numeritonan ta lo siguiente: Quality Stars a nota 4 kareda, dal 3 hit i hunga sin eror. Dairon Puriel a bati di 2-1. Jandoret Raiders a skor na 1 okashon, dal 2 hit i hasi 5 eror.
WEGA 3
Djadumingu 6 di desèmber
E wega ta keda empatá na 6 den kabes di e di 7 inning ku dos out manera ariba menshoná. Jandoret a nota 6 kareda, dal 7 hit i hasi 1 eror. Earl Virginia a bati di 2-2. Renato Anasagasti i Willy Van Thijs, ámbos a bai di 3-2. Quality a skor na 6 okashon, bati 6 hit i hasi 5 eror. Merieldo Trinidad a bati di 4-3. Dairon Puriel di 3-2.
