Final Liga 50 entre Baranka i Ban Serio djasabra i djadumingu awor
Baranka i Ban Serio a klasifiká pa final di Liga 50
WILLEMSTAD- Baranka a derotá Marlins i Ban Serio a nòkout Jaws den e di dos wega di playoff semi-final Liga 50. Den e promé wega di djasabra último Ban Serio a dal Jaws duru ku skor di 15 pa 2 i despues den e di dos wega Baranka a dal Marlins 16 pa 9.
![](https://uploads-ssl.webflow.com/5d34a02fd1cb7f04ec361a56/6532cbe86a50bb7587068973_IMG-20231020-WA0025.jpg)
![](https://uploads-ssl.webflow.com/5d34a02fd1cb7f04ec361a56/65295668edb9c49b8be71f5d_Ban%20Serio%20dilanti%20dugout.jpg)
![](https://uploads-ssl.webflow.com/5d34a02fd1cb7f04ec361a56/6532cbf9ad2c2462e326eca7_IMG-20231020-WA0027.jpg)
Bon públiko pa mira e weganan semi-final ku a tuma lugá na Van Engelen Ballpark. Final ta start djasabra awor na Van Engelen Ballpark. Pa 12’or lo tin e promé wega di final i e di dos wega lo tuma lugá djadumingu 1'or pm. Djasabra lo tin weganan di Liga Amstel i djadumingu final di Liga van Engelen.
![](https://uploads-ssl.webflow.com/5d34a02fd1cb7f04ec361a56/631c9608341fb52b8e7fbd19_bam%20bam%20tech%20general.jpg)
![](https://uploads-ssl.webflow.com/5d34a02fd1cb7f04ec361a56/6532c8ebc0c7731fce284bd1_Baranka%202023.jpg)
![](https://uploads-ssl.webflow.com/5d34a02fd1cb7f04ec361a56/5f09b0503967fc5b87435fac_top%20prof%20cleaining%20logo%201.jpg)
RESULTADONAN
Djasabra 14 di òktober
Ban Serio 15, Jaws 2
Ban Serio tabatin 14 hit i nan a hunga sin eror. Michelangelo Boekhoud a gana i Luigi Yanez a bai di 1-1. Geronimo Daflaar a bai di 2-1. Miro Daal, Reinaldo Casimiri ku Charlton Van Thijs, tur a bai di 2-2. Albert Pieternella, Jair Josepha i Eldred Estanista, tur a bai di 3-2. Luigi Yanez, Geronimo Daflaar, Reinaldo Casimiri i Eldred Estanista, tur a konektá 1 homerun i Miro Daal a konektá 2. Jaws a dal 7 hit i hasi 2 eror. Ralph Hermans a pèrdè i Desmond Brathwaite a bai di 1-1. Deron Clara, Sigbert Juliana, Fernando Rosario ku Victor Caldera, tur a bai di 2-1 i Xaviero Avastia a bai di 2-2.
![](https://uploads-ssl.webflow.com/5d34a02fd1cb7f04ec361a56/652aad4d29f6f7d9d2eddf15_IMG-20231014-WA0038.jpg)
![](https://uploads-ssl.webflow.com/5d34a02fd1cb7f04ec361a56/6532c91aa5a8655adc359fe1_Ban%20Serio%20despues%20di%20wega.jpg)
![](https://uploads-ssl.webflow.com/5d34a02fd1cb7f04ec361a56/5f2eb964e28334363c045f34_asars%20aviso%20pa%20wepsait%20080820%20real%20.jpg)
Baranka 16, Marlins 9
Baranka a dal 17 hit i nan a hunga sin eror. Curtly Valeriaan tabata picher ganadó. Emmeric Agata i Edmar Cornelia a bai di 2-1, Myron Wijman di 3-1 i Gregory Reina di 4-1. Dennis D’Arnault di 2-2, Sedeney Lourens, Fisel Pereira i Jozeph Everon di 3-2 i Robertico Ramazan a bai di 3-3. Emmeric Agata, Gensley La Croes, Sedeney Lourens, Gregory Reina i Myron Wijman, tur a konektá 1 homerun. Marlins tabatin 12 hit i nan a hunga sin eror. Hubert Gomez a resultá pèrdèdó i Jeffrey Martina a bai di 1-1. Jurgen Susanna, Ian Leito, Anthony Pieters i Bryan Esclodina, tur a bai di 2-1. Eugene Antonio di 3-1, Mairon Martinus di 4-1. Randolf Balentina ku Roderick Postina, ámbos a bai di 3-2. Eugene Antonio, Randolf Balentina, Ian Leito ku Mairon Martinus, tur a konektá 1 homerun.
![](https://uploads-ssl.webflow.com/5d34a02fd1cb7f04ec361a56/5f681172b527de982d2c831c_stanley%20palm%20real%20200920.jpg)
![](https://uploads-ssl.webflow.com/5d34a02fd1cb7f04ec361a56/6532c93ead2c2462e323a617_Malrins%20i%20Baranka%20saluda%20otro.jpg)
![](https://uploads-ssl.webflow.com/5d34a02fd1cb7f04ec361a56/630b7004a3e23b25df62bc71_shurby%20maria%20aviso%20.jpg)
![](https://uploads-ssl.webflow.com/5d34a02fd1cb7f04ec361a56/6532c9558d97986c1d031ad1_Kushina%20Ada.jpg)
![](https://uploads-ssl.webflow.com/5d34a02fd1cb7f04ec361a56/6532cc5956f69e1fe9413f44_IMG-20231020-WA0026.jpg)
![](https://uploads-ssl.webflow.com/5d34a02fd1cb7f04ec361a56/6532c979ed2c85963438f485_Marlins.jpg)
![](https://uploads-ssl.webflow.com/5d34a02fd1cb7f04ec361a56/64550e3f121163705e0e2e7d_around%20the%20clock%20logo.png)
![](https://uploads-ssl.webflow.com/5d34a02fd1cb7f04ec361a56/652956cddd8cf7334459f352_%3DJaws%20Maduro%20i%20algun%20hungado%20nobo.jpg)
![](https://uploads-ssl.webflow.com/5d34a02fd1cb7f04ec361a56/5f29dfab151b3f4455168eba_gai%20lihe%20aviso%20real%20pa%20webiste.jpg)
MAS INFORMASHON DI SÒFTBÒL I BEISBÒL
Fanátikonan di Deporte Kòrsou bondia i felis wikènt. Siman ku ta pasando aki ta medio òktober i ta luna di play-off den diferente liga i naturalmente MLB tambe. Ayera tabatin wega number 4 di e seri entre Texas Rangers i Houston Astros i awe Philadelphia Phillies tambe lo hunga. Texas Rangers vs Houston lo ta 16.37 i Arizona kontra Philadelphia lo ta anochi 8’or. Kandela lo tin e dianan benidero i ta trata di dos seri mihó di 7. Seri entre Texas i Houston ta empatá na 2 i Philadelphia ta dilanti 2-1. Analistanan tin Houston Astros i Philadelphia Phillies pa yega World Series, pero tene kuenta ku ekipo i hungadónan sa kai den slump net na e momentunan krusial. Play-off ta keda un wega di momentum. Major League Baseball a bira difísil pa logra un dinastía. Ekipo Yankees tabata un dinastia di 1996 pa 2000 kaminda nan a logra 4 título, di kual 3 tabata sigi 1998, 1999 i 2000. For di 2000 niun ekipo no a logra ripití un titulo di World Series.
![](https://uploads-ssl.webflow.com/5d34a02fd1cb7f04ec361a56/5f2eb964e28334363c045f34_asars%20aviso%20pa%20wepsait%20080820%20real%20.jpg)
![](https://uploads-ssl.webflow.com/5d34a02fd1cb7f04ec361a56/6532ca2903a0e8d4e0ceeb71_HOUSTON%20JOSE%20ABREU.jpg)
![](https://uploads-ssl.webflow.com/5d34a02fd1cb7f04ec361a56/5f29e5e014ff3eaae4b52abd_earl%20aviso%20real%20pa%20wepsait%20040820.jpg)
* * * * *
Den dianan benidero nos lo tin mas komentario di playoff di Major League Baseball, esta American League Championship Series i National League Championship Series. Den e serian aki si lo bai saka MVP kontrali na division series i Wild Card no ta saka hungadó mas balioso. Den World Series tambe lo saka hungadó mas balosio. Timnan popular na Kòrsou manera Atlanta Braves i Los Angeles Dodgers a kai for di seri di divishon. Otronan super popular manera New York Yankees, Boston Red Sox, Cincinnati Reds ets ta afó masha dia, promé ku Wild Card a start.
![](https://uploads-ssl.webflow.com/5d34a02fd1cb7f04ec361a56/5f4aabc44bc82707c2a0d5ed_fayad%20aviso%20aviso%20real.jpg)
![](https://uploads-ssl.webflow.com/5d34a02fd1cb7f04ec361a56/6532ca42b4c0c2f72494130d_TEXAS%20RANGERS.jpg)
![](https://uploads-ssl.webflow.com/5d34a02fd1cb7f04ec361a56/652aad4d29f6f7d9d2eddf15_IMG-20231014-WA0038.jpg)
* * * * *
Ban pa Liga 50 kaminda ekipo Ban Serio i Baranka a klasifiká pa final manera antisipá. Tur dos ekipo a swip nan kontrinkante i pasa pa final. Ban Serio tin dos aña sin pasa pa final, miéntras Baranka a bai final na 2021 i 2022 i bira kampion. Ban Serio tabata kampion na 2019, 2020 no tabatin kampionato. Ekiponan ku Baranka a topa den final di Liga 50 ta Pitufos na 2021 i Jaws na 2022. E gran final entre Ban Serio i Baranka lo bira kandela ruman. Picher Gino Valeriaan a bira kabai di heru pa Baranka den e semi-final i último weganan. Parse ku Keny Hellement ta leshoná i tabata den plan pa rekuperá i regresá den final. Gino Valeriaan a habri i gana tur dos wega pa Baranka den semi-final. Den wega number 2 di e seri djasabra último Gino Valeriaan a sali leshoná for di wega.
![](https://uploads-ssl.webflow.com/5d34a02fd1cb7f04ec361a56/5f42e39f78d43f3c78dfbf73_la%20jemsa%20cafe%20real%20pa%20website.jpg)
![](https://uploads-ssl.webflow.com/5d34a02fd1cb7f04ec361a56/6199090d9b34e16ac16b3d5c_algun%20hungado%20den%20dugout%20di%20baranka%20.jpg)
![](https://uploads-ssl.webflow.com/5d34a02fd1cb7f04ec361a56/5f09b0503967fc5b87435fac_top%20prof%20cleaining%20logo%201.jpg)
* * * * *
Nos lo tin e numeritonan i mas den kurso di siman kon ekiponan Baranka i Ban serio a move kontra otro. Baranka a bari e seri durante kampionato regular kontra Ban Serio ganando ku skornan di 12-11 i 20 pa 8. Ban Serio tabatin varios hungadó poderoso e temporada aki, manera entre otro Kelvin Winklaar, Jair Josepha i Eldred Estanista. Michelangelo Boekhoudt, Norman de Roon i Winston Kirindongo a bini bèk ekipo Ban Serio. Baranka a haña Myron Wijman for di Ban Serio, Dennis D’Arnault for di ekipo Lions. Joseph Everon ku a bini for di Aruba. Gino Valeriaan a bini fuerte bèk den picheo den 2023, huntu ku Kenny Hellement ku tin mas ku 2 luna sin picha. Gino Valeriaan a karga e ekipo den play-off durante ousensia di Kenny Hellement.
![](https://uploads-ssl.webflow.com/5d34a02fd1cb7f04ec361a56/61f1502867942cd53d748588_vanddis%20aviso%20real.jpg)
![](https://uploads-ssl.webflow.com/5d34a02fd1cb7f04ec361a56/6275b1a30b47eb0fbe5573d3_Kenny%20Hellement%20MVP%20FINAL%20.jpg)
![](https://uploads-ssl.webflow.com/5d34a02fd1cb7f04ec361a56/5f0b4b2983851699216f754b_geyo%20aviso%20real%20real%20pa%20wepsait.jpg)
* * * * *
Ban pa Beisbòl Veterano ku a tuma lugá djasabra i djadumingu na Vi Jansen Ballpark. Jandoret Raiders a gana ekipo The Brothers pèrtá 7-4 den e duelo entre number 5 i 6 di Beisbòl Veterano. Manera ta konosí ekiponan 5 i 6 lo klasifiká i hunga un wega di Wild Card sigi pa e ganadó kontra e number 4. Den e wega di djasabra mainta ekipo Isla a nòkout Marlins ku skor di 20 pa 3. Den otro wega di djasabra Santa Rosa tabata ganá ku skor di 3-2. Wega a keda suspendé te otro aviso debí ku un hungadó a bira malu riba tereno. Wega entre Jandoret Raiders i Yesterday den 50+ a keda suspendé debí ku Yesterday tabatin wega di Liga 40 kontra Quality Stars mesun djadumingu. 50+ femenino ta den training pendiente di weganan di selekshon 50+ na Sint Maarten den luna di novèmber. Nos ta keda te aki pa awe i te djarason ku Poder di Dios.
![](https://uploads-ssl.webflow.com/5d34a02fd1cb7f04ec361a56/5f681172b527de982d2c831c_stanley%20palm%20real%20200920.jpg)
![](https://uploads-ssl.webflow.com/5d34a02fd1cb7f04ec361a56/6532cb0bb7dd9f18976623fa_20220827_143509.jpg)
![](https://uploads-ssl.webflow.com/5d34a02fd1cb7f04ec361a56/5f42e39f78d43f3c78dfbf73_la%20jemsa%20cafe%20real%20pa%20website.jpg)
![](https://uploads-ssl.webflow.com/5d34a02fd1cb7f04ec361a56/61f1502867942cd53d748588_vanddis%20aviso%20real.jpg)