Final Liga 60+ djadumingu 1’or na Frank Curiel Ballpark
WILLEMSTAD- Djadumingu awor tin e gran final di Sòftbòl 60+ na Frnak Curiel Ballpark. Ekiponan Nos Tambe Por ku ta invikto e temporada aki lo topa ku Jaws ku un tempu tabata super kampion. Den e kampionato regular Nos Tambe Por a dal Jaws ku skor di 5-1. E ekiponan menshoná no a topa ku otro den play-off ainda. Aña pasá den final Nos Tambe Por a swip ekipo Jaws pa bira kampion.
Jaws ya a hunga 8 final den 60+ i a bira kampion na 5 okashon. Nos Tambe Por a keda fundá na 2018, termina na di 4 lugá i den nan sigiente aña e ekipo a bira kampion. Nos Tambe Por tin hungadónan manera entre otro Rignald Hooi, Javier Munoz, Sor Moesquit, Renato Anasagasti, Bencho Imperator (72+), Edson Sofia, Emile Haswell, Jero Williams, Wim Felicia, Richard Coffie, Ellery Martina, Edsel Leopolt, Siegfried Lopez, Wochi Balentina, Chie, Chan i Chol Schoop.
Jaws tin Broertje Curie, Wimbert Hato, Desmond Braithwaite, Rudsel Schimdt, Francis Petronilia, Branford Hasham, Marlon Römer, Ericson Liberia, Rudsel Poulina, Fety Curie, Andrewi Does, Norwin Mercelina, Riley i Vanchi Toppenberg.
