Selekshon Junior League Pariba a sali pa Nicaragua pa Kampionato Latino Americano

WILLEMSTAD - Djabièrnè, 4 di yüli 2025 den oranan di mainta e selekshon di Junior League League Liga Pariba a biaha pa Nicaragua (Managua) pa partisipá den e Kampionato Latino-Amerikano di Beisbòl Junior League
E kampionato di hóbennan lo start dia 5 yüli i lo terminá dia 11 di yüli 2025
RBC Royal Bank manera ta e kaso ku tur selekshon tabata presente pa duna e selekshon sosten i deseá e delegashon  éksito.

Delegashon Junior promé ku nan subi avion rumbo pa Nicaragua. Por mira District Administrator te na man drechi huntu ku e delegashon kompletu.

‍
E siguiente hungadónan a biaha ku e selekshon:  Giodrick Barkmeyer, Jaydon Candelaria, Fahir Daal,  Jur-Neriel Eugenia, Eyden Florintina, Gerdeon Garcia, Edson Libiee, Nevyan Makaya Richardson, Juniël Mercera, Ken-Jay Phelipa Angelica , Raygentley Rifaela, Keveon Rojer, Quaysin Rojer i Chrisyòn Sambo.

District Administrator sr. Urny Floran na nòmber di RBC ta papia ku e delegashon na aeropuerto promé ku nan subi avion rumbo pa Nicaragua. Sr. Floran a bisa nan pa hasi nan bèst i a deseá nan éksito.


Manager di e selekshon ta Emile Haswell asisti téknikonan Ludwin Obispo i Christian Vilchez. Sr. Suldric Rojer ta hefe di delegashon asistí pa sr. Gilbert Candelaria.

Selekshon ta kanta pa despues yel di un manera masha kreativo djabièrnè 4 di yüli.
Norvin Kook ku alabes ta masahista a hiba palarba di motivashon pa e selekshon.


‍

‍