Flamboyan ta gana Baranka Sharks 12 pa 8
WILLEMSTAD- Flamboyan lusiendo ku nan unifòrm nobo nobo ta gana Sharks/Baranka ku skor di 12-8 den e di dos wikènt di Liga 50 na Van Engelen Ballpark. Ban Serio a derotá Lions 9-6, Artemesia a derotá Sluggers 8-3 i Catpower a gana Marlins 6-4. Marlins a protestá e wega kontra Catpower.
Flamboyan 12, Baranka 8
Flamboyan a dal 15 hit i hasi 1 eror. Rene Hooi a gana. Stanley Palm, Gilbert Juliet i Lyndon Lourens a bati di 3-2. Baranka a konektá 8 hit i hasi 4 eror. Gino Valeriaan tabata e picher pèrdèdó. Elton De Castro a bati di 3-2, Kenneth Ortega di 2-2.
Ban Serio 9, Lions 6
Ban Serio a dal 10 hit a hasi 2 eror. Frensel Martinus tabata e picher ganadó. Marvin Wijman a bati di 2-2. Lions a bati 7 hit i hunga sin eror. Luis Alcantara tabata e picher pèrdèdó i Herbert Lucas a bati di 2-2.
Artemisia 8, Mon Repos Sluggers 3
Artemisia tabatin 6 hit ku 1 eror. Elton Richardson a gana. Edwin Thielman a bai di 3-2. Pa Sluggers 4 hit ku 3 eror. Eldred Bakker a pèrdè. Orman Sloop, Denley Marten ku Eldred Bakker, tur a bai di 1-1.
Catpower 6, Marlins 4
Catpower a bati 11 hit i nan a kometé 3 eror. Norman de Roon tabata ganadó. Norman de Roon a bai di 3-2, Rudsel Poulina di 2-2 i Gerald Mathilda di 1-1. Marlins tabatin 9 hit ku 5 eror. Gilbert Henrietta a resultá pèrdèdó. Sharnol Martina a bai di 4-3 i Erwin Marsden di 2-2.
