WILLEMSTAD- Awe djasabra 2 di ougùstùs tin 3 wega na Stadion di Jong Colombia. Djasabra 26 di yüli futbòl veteran 50+ a sigi na tereno di Jong Colombia ku e di 4 fecha i e resultadonan ta lo sigiente. Bonam – Moonchi Boys: 1 – 1,
Bonam a pika dilanti pa medio di un gol di Gerónimo “Gero” St. Hilaire. Lamentablemente, un outo gol a duna Moonchi Boys chens pa logra un empáte. Nos Kos – Dekada ’90: 2 – 0
Nos Kos a dominá e wega ku golnan di Rayfflin Ortela i Cherum Muzo. De Koning – Spartans: 4 – 0, De Koning a mustra su superioridat ku golnan di, Richard “Chato” Samboe (1 gol), Claudio Francina (1 gol) i Nelson Mariana (2 golnan).
Jong Colombia – DTS: 2 – 0
DTS no tabata un oponente fásil, pero un outo gol a yuda Jong Colombia habri e markador. Roberto Vargas a agrega un gol más pa kompletá e viktoria.
