Futbòl ta sigi awenochi ku Jong Colombia vs Undeba
RESULTADONAN WIKENT PASA
Inter Willemstad a habri e programa djabierne 16 di yanüari ku un victoria 2-1 kontra Atletiko Salinja. O. Mook a pone Atletiko Salinja dilanti na minüt 46, pero Inter Willemstad a bin bek ku gol di R. Leuteria na minüt 48 i un gol di J. de Kaster na minüt 78 pa gana e wega.
Djasabra 17 di yanüari, Centro Dominguito a gana Scherpenheuvel 2-0 ku gol di R. Boelijn na minüt 58 i A. Barrios na minüt 75. E mesun dia ey, Jong Holland a derota UNDEBA 3-0 ku gol di D. Rosa na minüt 16, S. Roosje na minüt 42 i J. Adelina na minüt 83.
Djadumingu 18 di yanüari, Jong Colombia a saka tres punto ku un viktoria 4-0 kontra Centro Barber. G. Alberto a habri e markado na minüt 10, L. Isidora a duplika na minüt 40, I. Strijkert a añadi e di tres na minüt 68 i S. Martha a sera e partido na minüt 74.
E wikènt a termina ku Victory Boys dominando SUBT 6-0. K. Cijntje a marka dos (minüt 4 i 35), J. Villalobos a pone otro na minüt 16, E. Nurijanyan a sigui na minüt 20, i R. Winklaar a sera ku dos gol (53 i 81).
Standing di prome divishon di FFK ta..
Standing di promedivishon di FFK ta..
PREPARASHONNAN TA KONTINUÁ PA E 2026 CONCACAF WOMEN’S UNDER-17 QUALIFIERS KU LO TUMA LUGÁ DI 24 DI YANÜARI PA 2 DI FEBRÜARI 2026!
NOS REFUERSONAN TA NA KÒRSOU!
Nos a drenta e siman kaminda nos selekshon femenino kategoria U-17 lo ta den akshon di 24 di yanüari pa 2 di febrüari kompitiendo durante e partidonan di e 2026 CONCACAF Women’s Under-17 Qualifiers. Nos selekshon ta konsistí di un grupo di 14 hungadó lokal ku tin vários luna den preparashon i tambe 6 hungadó residensiá den eksterior ku a bin reforsá nos selekshon.
Nos 6 refuersonan a pisa suela di Kòrsou pa kontinuá ku e preparashonnan pa nos próksimo partidonan. Ta trata aki di Khloe Maduro Dorada ku ta militá den FC Cantera de Heroes Quindio, Jairvienis Martina ku ta den VCS, Xiarleahmay Martis Nocento di Atletico Club Amsterdam, Jacelynn Jubithana ku ta hungadó di Sparta AV, Shaë-Lyandra Gijsbertha miembro di FC Maense i Destiny Koko ku ta militá den De Graafschap. 6 hungadó ku sigur lo duna un man pa fortalesé nos selekshon durante e torneo aki.
Preparashonnan ta kontinuá den gran forma pa nos selekshon femenino kategoria U-17 duna tur ku tin durante nos partidonan di kualifikashon pa e 2026 CONCACAF Women’s Under-17 Qualifiers ku ta inisiá 24 di yanüari den Stadion Rignaal ‘Jean’ Francisca.
Nos selekshon lo topa Trinidad & Tobago, djasabra awor pa 7’or di anochi durante nos promé partido di e torneo aki.
Pueblo di Kòrsou kompletu ta keda kordialmente invitá pa bin disfrutá di algun tremendo partido i mira nos damanan den akshon, kòrda ku tur partido ta grátis!
Riba e imáhenan por mira e yegada di nos hungadónan ku a wòrdu risibí pa TheRealKingGarcia na airport!
