Gamers ta swip Thrillers i bira kampion Liga Amstel

Gamers ta swip Thrillers i bira kampion Liga Amstel

WILLEMSTAD- Gamers a gana Thrillers 9 pa 7 i 11 – 7 i bira kampion di Liga Amstel 2023. E weganan a tuma lugá djasabra último na Van Engelen Ballpark. Thrillers tabata faborito debí ku nan tabatin dos aña kampion sigí, pero Gamers a bini disidido ku picheo kombiná di Emilio Velarde i Arlyson Rodriguez pa logra e título pa promé biaha den historia di Gamers den Liga Amstel. Julio del Rosario a bati grandslam den wega number 2 pa bira MVP di e gran final. Den e wega bálido pa di 3 lugá ekipo Terrepower a gana X-Treme pa terminá na di 3 lugá. Despues di wega tabatin entrega di premio na Van Engelen Ballpark.

RESULTADONAN
Gamers 9, Thrillers 7
Gamers tabatin 9 hit i nan a hunga sin eror.  Alexander Rodriguez a gana i e mes a bai di 1-1. Dimitri Leon a bai di 2-1, Darwin Blanquicette di 3-1 i Adonis Suarez a bai di 3-2. Alexander Rodriguez, Dimitri Leon, Darwin Blanquicette ku Adonis Suarez, tur a konektá 1 homerun. Thrillers a dal 7 hit i hunga sin eror. Argenis Daal a pèrdè. Ghionelo Jansen a bai di 2-1 i Riordan Windster di 4-2.

Terrepower 10, X-treme 3
Terrepower a dal 11 hit i kometé 2 eror. Richene Martina tabata picher ganadó i Shuremy Fornerino a bai di 1-1. Erick Lopez a bai di 2-1. Richene Martina ku Ronny Seguera a bai di 3-2 i Draydon Evelina a bai di 3-3. Ronny Seguera ku Draydon Evelina a konektá 1 homerun. X-treme tabatin 7 hit i nan a hasi 1 eror. Jose Obispa a resultá pèrdèdó. Jurick Marlin i Jose Obispa a bai di 2-1. Tahir Martis a bai di 3-2. Jurick Marlin a konektá 1 homerun.

Gamers 11, Thrillers 6
Gamers tabatin 9 hit i nan a hunga sin eror. Emilio Velarde a bai ku e viktoria. Jarl Henriquez a bai di 1-1 i Jean-Marc Casilla a bai di 2-1. Liandry Kirindongo ku Jonjendri Rifaela a bai di 3-2. Julio del Rosario a bai di 4-2. Ela konektá 1 homerun grand slam. Pa Thrillers 8 hit i nan a hunga sin eror. Argenis Daal a karga ku e derota. Jerseley Cicilia i Erickson Senior a bai di 3-1. Carlton Daal ku Rochendrick Alexander a bai di 3-2.  Jerseley Cicilia, Erickson Senior ku Rochendrick Alexander, tur a konektá 1 homerun.  

‍
 
Kampion: Gamers
MVP: Final Julio del Rosario;
Sup kampion: Thrillers;
Di tres Lugá: Terrepower;
Kampion temporada regular: Gamers;
Kampion picher; Stanley Girigori (Gamers);
Kampion bate: Jermaine Esprit (Thrillers);
Lider di homerun: Carlos Peña.

‍

INFORMASHON DI SÒFTBÒL I BEISBÒL

Fanátikonan di Deporte Kòrsou bon dia i felis fin siman. Ekipo Gamers Afas a bira kampion di Liga Amstel ganando di Thrillers den dos wega sigí den final di Liga Amstel. E weganan a terminá ku skor di 9 pa 7 i 11 pa 6. Pa loke ta trata e wega bálido pa di 3 lugá, Terrepower a derotá X-Treme 10 pa 3.  Pa promé biaha den nan historia ku Gamers a bira kampion. Nos konosé ekipo Gamers for di komienso di añanan 2000 ku hungadónan manera Martin Eustatia, Javier ‘American Airlines’ De Castro, David Hoogenbergen Wally Kopra i otronan.  Nos tin un pòtret di Gamers di 2007 ku hungadٕónan  manera Robertico Castillo, Renato Anasagasti, Gregory Zimmerman, Vriendjes Cicilia, Quincy Kook, David Hoogenbergen, Randy Kirindongo, Javier de Castro, Jajo Hollander ets.

* * * * *

Den Beisbòl Veterano ekipo Yesterday a gana Vosama djasabra pa defolt. Djadumingu Yesterday a gana di ekipo Marlins relatívamente fásil ku skor di 7 pa 2.  Yesterday ofishalmente a klasifiká number 6 i lo bai topa Jandoret Raiders djasabra awor 2’or na Vi Jansen Ballpark. Ganadó di e wega aki lo topa ku ekipo Santa Maria Pirates djadumingu pa wak kua ekipo lo keda number 4, pa despues bai enfrentá Quality Stars den e play-off semi-final entre number 4 kontra 1. Quality Stars a terminá komo number 1 i invikto ku rèkòrt di 22 ganá i 0 pèrdi.  Ekipo Santa Rosa Memories ku a terminá ku rèkòrt di 16-4 lo topa ku Isla Crackers ku a kaba ku rèkòrt i 15-5. E play-off semi-final lo start 18 di novèmber na Vi Jansen Ballpark.

* * * * *

Liga 60 ta yegando na final di e kampionato regular i tin tur indikashon ku play-off final lo yega di desèmber.  Djadumingu tabatin 3 wega na Frank Curiel Ballpark. Den e promé wega ekipo Nos Tambe Por a gana Nos Por ku skor di 7 pa 1. Nos a mira varios hungadó konosí popular den Slowpitch den akshon manera entre otro Wim Felicia i  Gilbert Henrietta.  Den e otro dos weganan Pitufos a dal Curacao Super Stars ku skor di 14-2 i den e último wega Jaws a gana Sluggers 4 pa 1. Nos tin e standing up to date pa loke ta trata Liga 60 kaminda ya e promé 4 ekiponan ku a klasifiká ta konosí.

* * * * *

Nos Tambe Por 13-1, Pitufos 9-4, Jaws 9-5, Nos Power 7-6, Lions 6-8, Los Amigos 5-9, Sluggers 4-8 i Curacao Super Stars 0-13. Lider den bateo ta Winston Kirindongo di Nos Tambe Por ku tin un average di .548 sigí pa Cedric Curiel di Pitufos ku tin .533. Pa loke ta kareda empuhá Winston Kirindongo tin 24 RBI, sigí pa Rignald Hooi (Pitufos) ku tin 16 RBI.   Den picheo Siegfried Lopez (Nos Tambe Por) tin un ERA di 0.93 sigí pa Richenel Rafaela (Nos Tambe Por ) 1.25. Isaac Francees (Nos Power) ta lider den ponche tirá ku 15 i Juan Cicilia (Pitufos) 10, Anthony Pieter (Jaws) 10.

* * * * *

Manera aña bòltu lo tin torneonan warmup. Tin indikashon ku Cicoza (Amstel Bright) lo tuma torneo The Greatest over i lo sigi ku Torneo Amstel Bright tambe i terminá nèt promé ku Torneo Hope ku ta start final di mart òf komienso di aprel. Pa mei liganan manera Amstel, Van Engelen, 40 i 50 lo start na Van Engelen Ballpark.  Den e parti femenino lo tin Diamond Stars League, Liga di Nos Tur i Liga Streanan di Ayera. Dos selekshon di Sòftbòl Femenino Veterano lo move wikènt benidero pa Sint Maarten. E selekshonnan lo move dia 8 di novèmber pa Sint Maarten i ta bou di direkshon di Ruwel Matrona, Emile Haswell, Sherlon Martina i Irvin Leuteria.  Wikènt pasá tabatin presentashon di unifòrm na e dos selekshonnan ku lo move pa Sint Maarten.  Den dianan benidero nos lo tin mas detaye.

‍
* * * * *

Djamars dia 7 di novèmber tin wega number 2 di e seri semi-final di Liga 40 entre
Swift i Cicoza. Swift a gana wega number 1 ku skor di 13 pa 8. Di dos wega tambe Swift a gana, den e kaso aki ku skor grandi 18-1 i klasifiká pa final. Den e promé wega di final,  Baranka a gana Swift ku skor di 2-1 den un wega tremendisimo.  E wega aki a tuma luga djaweps 9 di novèmber. Nos ta keda te aki pa awe i te mayan ku Poder di Dios.