Gavanee Virginia a firma ku Wild Cats i Marchena Braves ta firma picher Jerson Rosalina

Gavanee Virginia a firma ku Wild Cats pa 3 aña

WILLEMSTAD- Gavanee Virginie, un gran relevista di Beisbòl Dòbel A a firma ku e ekipo Wild Cats. Gavanee a firma djaluna 24 di yanüari na kas di famia Jansen na Schelpwijk. E picher derecho ku ta un spesialista den relevo, a hunga e último 6 añanan aki den Royal Scorpions. Ela picha temporada pasá i tabatin un tremendo ERA den su promé weganan. Bon atkisishon pa Wild Cats ku ta hasi nan staf di picheo mas fuerte. Tabatin ekiponan Santa Maria, Wild Cats i Royal Scorpions ku interes den Gavanee, pero finalmente e picher derecho aki a firma ku Wild Cats. Gavanee a hunga posishon i picha den vários selekshon tempu di su tempu den Little League i a hunga na hopi pais den region.  Den pasado Gavanee a hunga 6 aña kaba den Wild Cats, 1 aña den Santa Rosa i último 6 añanan den Royal Scorpions. Despues di e aña den Santa Rosa, Gavanee a keda un aña for di Beisbòl pa despues bai Royal Scorpions.

‍

‍

Marchena Braves ta firma picher Jerson Rosalina

WILLEMSTAD- Siman  pasá ekipo Marchena Braves a firma e picher Jerson Rosalina, ku den pasado a picha bon den ekipo Curacao Yankees, Groot Kwartier, Firebirds na Kòrsou i ekipo Stork na Hulanda. Rosalina a keda un aña na Hulanda i a bini bèk pa biba i mesora ekipo Marchena Braves pa medio di nan dirigentenan a aktivá. E firmamentu ofishal  a tuma lugá na Istanbul Restaurant na Caracasbaaiweg. Marchena Braves ta pendiente di dos picher mas, un slengu di kategoría i e otro ta un èks estrea di Little League ku a hunga den varios selekshon.  Marchena, un ekipo stail di famia ku tin hungadónan manera ohochinan Alex i Alexander Henrietta i ohochinan Rainer i Ryson Polonius. Tambe tin rumannan Faneijt, Stephan i Urvin. Algu ku bo no ta haña den un ekipo fásil. Marchena Braves a terminá ku rekòrt di 1 ganá i 17 pèrdí den 2021, pero ku hopi wega pèrdí pa protesta. Hopi ekipo ta riba e rumannan Henrietta, pero parse nan no ta bai niun kaminda.

‍

Mas informashon di Beisbòl i Sòftbòl

Fanátikonan di Deporte Korsou, bondia. Ekipo Marchena Braves ta por la goma i ta firmando hungadónan pa hasi e ekipo fuerte pa klasifiká den e promé kuaternan den 2022. Marchena a firma e picher Jerson Rosalina i ta pendiente pa firma mas picher.  Un dirigente di Marchena Braves a konfirmá pa nos ku vários hungadó di The Champs a djòin Marchena Braves. Di parti di ekipo Royals Magic di Suffisant, nos no tin masha informashon. Algַún hungadó a bai Santa Maria Pirates riba nivel di Klase A.

* * * * *

Djamars pasá nos a message un ratu ku Rignald Martina, un dje gran pichernan di tur tempu na Kòrsou. Rignald ta move den Marlins ku ekipo 50+ di Sòftbòl Slowpitch. Na òktober 1984 den e torneo Selebrashon 50 aña FEBEKO na Kòrsou, Rignald Martina a picha 9 inning kontra e ekipo di Chinese Taipei ku tabata e úniko viktoria di nos ekipo den e torneo internashonal aki.  Rignald a poncha 7 batiadó di Taipei, duna solamente un base por bola. Chinese Taipei a bira kampion di e torneo. Ekiponan ku partisipá tabata Chinese Taipei (4-1), USA (4-1) , Venezuela (3-2), Panama (2-3) , Antia (1-4) i Hulanda (1-4). Rignald Martina tin hopi rekòrt, entre otro tira mas inning den un wega di kampionato Antiano. Rignald a tira 16 inning den un wega kontra Aruba.

* * * * *

E wega tabata kontra di Marlboro i tabata empatá na 1. Rignald a splika nos ku Kenneth Gijsberhta ‘Kenene’ tabata kier a para e wega, debí ku Rignald Martina tabata di skèdjel pa picha kontra Meksiko e sigiente siman den un kampionato Panamericano.  Na momentu ku kier a para e wega, Rignald tabatin mas ku 200 bala tirá. Rignald a habri e wega di Panamericano manera planiá kontra di Meksiko na Monterrey Meksiko dilanti un públiko grandisimo. E èks estrea picher a tira henter e wega pa Antia gana Meksiko dilanti nan mes públiko.

‍

* * * * *

Rignald a subi ku Royal Scorpions bai Wild Cats i bini bèk pa retirá den Royal Scorpions. Nos amigu Rignald Martina a bira tur e 8 biahanan kampion ku Wild Cats di 1994 pa 2001. Un rekòrt super difísil pa kibra den Beisbòl di Kòrsou. Na Kòrsou ta Pichingolo tabata racha largu asina ei, Sithoc den Vòlibòl i Xaverianan tambe den Vòlibòl. Den Futbòl ekipo Sithoc tabatin un racha di 5 kampionato ganá sigí.  Nos lo keda trese hazañanan ratu ratu di nos peloteronan. Dimes na momentu ku tin e espasio.

‍

* * * * *

Resientemente nos a papia ku algún dirigente di Beisbòl di ekiponan chiki. Nan ta bisa ku por lo pronto e Beisbòl no ta drecha, debí ku ekiponan grandi ta piki tur e bon hungadónan di ekiponan chiki.  Ekiponan chiki mester haña un kompensashon di un manera òf otro na momentu ku kita un hungadó for di un klup ku a terminá dem bòm, di 5 òf di 6 lugá. Skibiendo di Rignald Martina di Royal Scorpions ku Wild Cats nos ta kòrda ku djaluna rumor a kuminsá kore ku Gavanee Virginie di Royal Scorpions a firma ku Wild Cats. Gavanee a kumpli ku su 3 añanan den Royal Scorpions i tabata agente liber. Bon atkisishon pa e staf di picheo di Wild Cats, huntu ku Risandro Pastor, Kennimar Locadia, Mairon Brunken, Shurensley Daantje, Sidney Antonia, Geryion Jakob.  No ta konosí ku e picher Joharvi Martinus lo tei bèk ku Wild Cats. Joharvi ta bezig ku treining pisá na República Dominicana i por firma un ora pa otro.  Ayera Joshua Leito a firma profeshonal ku organisashon di New York Yankees.

* * * * *
Saludo pa nos amigunan di Survivors. Normalmente nan lo tin torneo e dianan aki pa bai terminá na komienso di febrüari. Práktikamente tur aña ekiponan tabata bini di Aruba, partisipá den e torneo sea kompetí òf amistoso i disfrutá di Festival di Tumba. Ekipo Steen tambe tabata bini i di einan varios hungadó a keda Kòrsou manera entre otro Ray Soerka, Johnny Balentina, Stanford Landburg, Mayan Lucas, Nonnie de Roon, Wendell Anthony, Gregory Raphaela, Yencey Eisden, Myron Wijman ets. Nos tin nan riba pòtrèt na 2004, e aña ku nan a partisipá na Kopa Joy Alberto.  Survivors a yega di organisá torneo di Futbòl di Sala tambe na kancha di KAE ku partipashon di ekiponan Komersial Bankario i Sòftbòl Slowpitch. Nos ta keda te aki pa awe.

‍