Gran final di Beisbol Veterano i Sòftbòl Liga 50 e wikènt aki.
Gran final di Beisbòl Veterano 40+ e wikènt aki na Vi Jansen Ballpark
WILLEMSTAD- Djasabra 25 di òktober lo start ku e promé wega di e gran final di Beisbòl Veterano 40+ na Vi Jansen Ballpark. Ekiponan Santa Maria PIrates i Qualty Stars lo kompetí den e gran final aki. E dos ekiponan a hunga final di kampionato 2024, kaminda Quality Stars a bira kampion. Tur dos ekipo a reforsá formal temporada 2025 ku bista riba e titulo.
Ta di 3 biaha ku e ekiponan aki ta topa otro den un play-off final di Beisbòl Veterano. Den promé buelta Santa Maria Pirates a pèrdè kontra Quality ku skor 3-2 i den di dos buelta Santa Maria a bolbe pèrdè, e biaha ei ku skor grandi 10-2. E weganan 1’or di mèrdia debí ku solo ta baha tempran. Wega number 2 di e seri lo ta djadumingu 26 di òktober pa 1’or di mèrdia.
Wega number 2 di e gran final di Liga 50 djasabra awor Ban Serio i Baranka
WILLEMSTAD- Ban Serio i Baranka lo topa ku otro atrobe djasabra awor 2’or na Van Engelen Ballpark. Ta trata aki di e wega number 2 di e seri final mihó di 3 di Liga 50 Sòftbòl. Ban Serio a gana wega number 1 ku bon picheo di Michelangelo Boekhoudt i bateo di Geronimo Davelaar. Baranka kampion di temporada 2024 a lucha bon pa bini bèk despues ku nan tabata tras 8-0 i a logra yega te na 6 kareda pa finalmente e wega terminá 8 pa 6.
Baranka lo bini bèk ku nan estelar picher habridó Kenny Hellement i Ban Serio lo tin Michelangelo Boekhoudt. Si Ban Serio gana lo tin entrega di premio mesora despues di wega i si Baranka gana e wega finalísimo lo ta djadumingu 2 di novèmber . Liga 50 ta kumpli 25 aña ku e liga a keda fundáa i ta dediká na èks presidentenan di e liga.
MAS INFORMASHON DI SÒFTBÒL I BEISBÒL
Fanátikonan di Deporte Kòrsou bon dia i felis wikènt. Fin di siman kargá ku final di Sòftbòl Slowpitch i Beisbòl Veterano. Ayera aa start ku final di Liga di Nos Tur aya na Frank Curiel Ballpark. Pa 9.30 pm ekipo Un Kara, un tempu super kampion di e liga, a topa ku ekipo Shining Stars. E di dos wega di e seri mihó di tres lo sigi djasabra na mesun ora. Ta spera un públiko grandísimo na Frank Curiel Ballpark. Un kara a dal ekipo Shiningg Stars durisimo ganando ku sro di 16-1. Ekipo Shining Stars tin vários hungadó di ekipo Rising Phoenix ku a bira kampion di Diamond Stars League ku a tuma lugá na Sam Bunting Ballpark. Un Kara ta faborito pa bira kampion apesar ku ekipo Shining Stars a terminá na promé lugá di e buelta regular. Ekipo Sin Stres ku a bira kampion e último dos añanan a keda eliminá pa ekipo Un Kara wikènt pasá.
* * * * *
Djasabra tin final di Beisbòl Veterano na Vi Jansen Ballpark entre ekiponan Santa Maria Pirates i Quality Stars. E aña aki e ekiponan menshoná a topa den e gran final di 2024 kaminda ku ekipo Quality Stars a gana i bira kampion di 2024. Temporada pasá no por a terminá den 2024, debí na protesta di ekipo Yesterday ku a tarda pa haña un desishon. Den siman nos tabatin tur detaye kaminda e dos ekiponan a enfrentá otro i awe nos lo tin algun nòmber di e hungadónan. Quality Stars ta kargá ku hungadó entre otro Rhiëncy Imperator, Rodney Michel, Soranley Thomasjansen, Dayron Puriel, Leroy Antonia, Ringemar Raap, Farley Ignacio, Rydell Isabella, Merieldo Trinidad, Dimitri Leon, Xaviero Avastia, Raymond Leonora i Dave Janga. Santa Maria Pirates tin Yurendell de Caster, Amador Nita, Luigi Alvarez, Raylan Francisca, Evenon Martis, Ryan Samuel Ryan Ogenia, Roderick Zimmerman, Gerthon Matrona, Jason Naaldijk, Emirt Volk, Eldred Estanista, Anthony Cijntje i Myron Wijman. Nos ta pendiente pa Evenon Martis, estelar di Santa Maria Pirates ku for di 30 di ougùstùs a mira aktuashon pa Santa Maria Pirates. Ta trata aki di e picher estelar i di e ekipo Pirata. Djadumingu lo tin wega number 2 di e seri mihó di 3, ke mèn nos por tin un kampion djadumingu si un di e ekiponan menshoná swip e seri.
* * * * *
Na Van Engelen Ballpark ta sigi ku final di Liga 50 entre ekiponan Ban Serio i Baranka. Ban Serio a gana e promé wega ku skor di 8-6. Baranka ku nunka no ta bèk, lo bini pa empatá e seri, mientras Ban Serio ke kaba kos mayan mes. Baranka tin hungadónan manera Dennis Dambruk, Kenny Hellement, Shendy Cras, Gregory Bito, Gregory Reina, Ramsy Koeyers, Robertico Ramazan, Djuric Pieters, Ramiro Balentina, Fisel Pereira, Edmar Cornelia, Sendley Reina, Sherwin Schoop i Junny Pieter. Baranka lo manda Kenny Hellement pa trata na dominá e fuerte ofensvia di ekipo Ban Serio. Ban Serio tin hungadónan Jair Josepha, Kelvin Winklaar, Luigi Yanez, Charlton van Thijs, Byron Kook, Rigobert Cijntje, Albert Pieternella, Hubert Sakoetoe, Willy van Thijs, Rudy Isidora, Reinaldo Casimiri, Miro Daal, Arlyson Rodriguez, Geronimo Daflaar, Erling Gosepa, Michelangelo Boekhoudt, Ramon Cabrera i Tula Esclodina. Michelangelo Galbao lo ta pendiente pa habri e wega aki. E tabata e picher habridó i ganadó di e wega number 1 di e seri final i a tira henter e wega. Siman pasá Van Engelen Ballpark tabata yen i ta spera mesun kantidat òf mas públiko.
* * * * *
Den Liga 60 ta kandela tin entre ekipo Lions ku tin rèkòrt di 12-0 (invikto) kontra di Nos Tambe Por ku ta na di dos lugó. Ekipo Lions ya a klinch promé lugá, miéntras ekipo Nos Tambe Por mester di un viktoria pa mantené e di dos lugá. E wega aki lo tuma lugá 11’or di mainta. Despues ta sigi Mon Repos Sluggers vs Nos Power i Los Amigos kontra di Jaws pa 3’or. Pitufos tin Barwacht i Curacao Super Stars ta liber. Djadumingu 2 di novèmber lo tin e último weganan di e buelta regular i play-off lo start dia 9 di novèmber. Nos ta yegando fin di òktober i hopi chèns ku tur liga lo terminá i ta solamente 60+ lo tin pa mira den novèmber aki. A resultá ku e aña aki no tabatin ni Liga Amstel tampoko Liga 40. Nos ta keda te aki pa awe i te mayan ku Poder di Dios.
