Pabou i Pariba den gran final kampionato di Beisbol Karibe Senior djasabra 1 di yüli 7’or pm
Pariba i Pabou ta nòkout Aruba i Puerto Rico den semifnal i pasa pa final
WILLEMSTAD- Pariba a gana Aruba 14-0, Pabou a dal Puerto Rico 15-0 den semi-final djabièrnè 30 di yüni den Tio Daou Ballpark i nos ekiponan a pasa pa final di Karibe Senior League. E gran final lo tuma lugá djasabra anochi pa 7’or den Tio Daou Ballpark.
Picheo di tantu Pabou a dominá relativamente fásil i bateo a funshoná tremendísimo. E wega bálido pa di 3 i 4 lugá entre Puerto Rico i Aruba lo tuma luga djasabra pa 2.30 pm pa e gran final tuma lugá 7’or di anochi. Kórsou lo ta representá sigur den Mundial di Senior League ku lo tuma lugá na Easley Michigan di 28 di yüli pa 5 di ougùstùs. Djasabra despues di e wega final mesora lo tin entrega di premio.
Numeritonan
Pariba 14, Aruba 0
Pariba a dal 14 hit i a kometé 2 eror. Rubyorne Manuel tabata e picher ganadó i Zhaidire Joubert a bati di 3-3.
Aruba a konektá 3 hit i a hasi 3 eror. Quiran Croes tabata e picher pèrdèdó. Wernet, Ras i Martin a bati di 2-1.
Pabou 15, Puerto Rico 0
Pabou a dal 15 hit i hasi 1 eror. Keven Rosina tabata e picher ganadó. Curley Martha a bati di 4-4, Nathan Castillo a bati di 3-3.
Puerto Rico a konektá 4 hit i kometé 4 eror. Jerethzael Pica tabata e picher pèrdèdó i Frank Rodriguez a bati di 3-3.
