Gran final entre Dream Team i Suffisant Eagles awenochi
WILLEMSTAD- Jonaikel Castro a bati di 4-3, anotá 4 kareda i empugá 2 kareda pa guia su ekipo Dream Team pa pasa pa final. Awe, djabièrnè 23 di òktober pa 7.30 lo tin e promé wega di e seri di 5 wega entre Dream Team i Suffisant Eagles. Ekipo Suffisant Eagles ta den final for di dia 13 di òktober pendiente e ganadó di semi-final. Weganan final lo ta djabièrnè 7.30, djasabra 7’or i djadumingu 7’or. Si ta nesesario lo tin wega djamars 27 di òktober i djarason 28 di òktober. Weganan ta tuma lugá na Buena Vista Ballpark.
