Grandioso inisio di Lito Challenge 4 vs 4
WILLEMSTAD - Djadumingu 19 di desèmber lugá e promé edishon di Lito Challenge 4 vs 4. FFK den kolaborashon ku MCB a yega na e inisiativa pa introdusí Lito Challenge 4 vs 4. Esaki ta un torneo pa e futbolistanan di kategoria U-8 (muchanan bou di 8 aña) kaminda lo tin diferente partido ku 4 hungadó ta hunga kontra otro pa despues saka un ganadó. Pues tur hungadó mester a inskribí di manera individual i no komo ekipo p’asina partisipá na e torneo aki. E meta di e torneo ta pa duna mucha muhé i mucha hòmber di vários ‘background’ ku ta pertenesé na e kategoria aki, un plataforma pa sera konosí ku e deporte di futbòl i dibertí huntu ku otro mucha na vários manera den un ambiente sano i deportivo.
![](https://uploads-ssl.webflow.com/5d34a02fd1cb7f04ec361a56/5f09b0503967fc5b87435fac_top%20prof%20cleaining%20logo%201.jpg)
![](https://uploads-ssl.webflow.com/5d34a02fd1cb7f04ec361a56/61ca12a964f40a5758e82244_Lito%20Challenge%202.1.jpg)
![](https://uploads-ssl.webflow.com/5d34a02fd1cb7f04ec361a56/61b5e8b6a7b7d74909d05db8_Alexander%20Provacia%20logo%20nobober%20desember.jpg)
Durante e Lito Challenge e partisipantenan lo siña:
• Kon anda ku otro
• Responsabilidat
• Optené kurashi
• Respetá outoridat
• Kon pa dil ku kambio
• Perseveransia
• Kon pa anda ku emoshon
• Honestidat
• Disiplina
• Haña amigunan nobo
• Komprondé manego di tempu
• Pasa tempu dushi ku otro
Durante e promé edishon di Lito Challenge un total di 40 hungadó a partisipá na diferente partido kontra otro riba 4 tereno chikí. E hungadónan aki a bin di diferente ekipo manera; Atletiko Saliña, Sithoc, Scherpenheuvel, C-stars United, Centro Juve, Stallions i Excellence. Tambe ta tin diferente hungadó ku no ta forma parti di un ekipo ainda mirando ku esaki no tabata un eksigensia pa por partisipá. E hungadónan a hunga bruá den ekiponan chikí ku tabata hunga kontra otro i kada bes tabata kambia di ekipo. Esaki pa asina nan por konosé diferente karakter i adaptá nan mes kada biaha na un otro alineashon di ekipo. Tur mucha a hunga 4 wega i por a gana punto abase di resultado di e weganan, 15 pa un wega ganá, 10 pa un empatá i 5 pa un wega pèrdí, huntu ku e kantidat di golnan anotá. Na final di e partidonan a saka 5 ganado ku a risibí un bunita medaya komo rekuerdo.
![](https://uploads-ssl.webflow.com/5d34a02fd1cb7f04ec361a56/5f0b4b2983851699216f754b_geyo%20aviso%20real%20real%20pa%20wepsait.jpg)
![](https://uploads-ssl.webflow.com/5d34a02fd1cb7f04ec361a56/61ca12ae49eee89158c801a8_Lito%20Challenge%202.4.jpg)
![](https://uploads-ssl.webflow.com/5d34a02fd1cb7f04ec361a56/5f42e39f78d43f3c78dfbf73_la%20jemsa%20cafe%20real%20pa%20website.jpg)
Ganadónan di e promé Lito Challenge a resultá:
1. Chariondrick (Centro Juve) ku 90 punto
2. Sofia (Excellence) 84 punto
3. Mazen (C- Stars) 79 punto
4. Remy (Centro Juve) 76 Punto
5. Z’Thom (Schervenheuvel) 74 punto
Masha pabien na tur e hungadónan aki i éksito pa e siguiente Lito Challenge!
FFK ta hopi kontentu i orguyoso ku despues di dos aña sin por a organisá Liga Lito debí na Covid, tòg por a duna un ñapa di loke ta bai bini na 2022. For di yanüari te yüni lo organisá diferente evento. Pues keda pendiente pa mas di e torneonan aki den 2022.
FFK ta gradisí tur partisipante, tur klup i naturalmente Maduro & Curiel’s Bank pa a hinka su skouder un biaha mas bou di e proyekto aki i kontribuí na e formashon di nos futuronan di mañan.
23 desèmber 2021.
![](https://uploads-ssl.webflow.com/5d34a02fd1cb7f04ec361a56/5f2eb964e28334363c045f34_asars%20aviso%20pa%20wepsait%20080820%20real%20.jpg)
![](https://uploads-ssl.webflow.com/5d34a02fd1cb7f04ec361a56/5f29e5e014ff3eaae4b52abd_earl%20aviso%20real%20pa%20wepsait%20040820.jpg)
![](https://uploads-ssl.webflow.com/5d34a02fd1cb7f04ec361a56/5f681172b527de982d2c831c_stanley%20palm%20real%20200920.jpg)
![](https://uploads-ssl.webflow.com/5d34a02fd1cb7f04ec361a56/61b60e5519f74f3a7d2fafe5_Alexander%20provacia%20preisnan%20desember.jpg)
![](https://uploads-ssl.webflow.com/5d34a02fd1cb7f04ec361a56/618b171470bb5b51d93cdceb_edichi%20aviso%20november%207.jpg)
![](https://uploads-ssl.webflow.com/5d34a02fd1cb7f04ec361a56/5f29dfab151b3f4455168eba_gai%20lihe%20aviso%20real%20pa%20webiste.jpg)
![](https://uploads-ssl.webflow.com/5d34a02fd1cb7f04ec361a56/61b9487d237a5c69f741a73d_greenhouse%20logo.jpg)
![](https://uploads-ssl.webflow.com/5d34a02fd1cb7f04ec361a56/5f681172b527de982d2c831c_stanley%20palm%20real%20200920.jpg)
![](https://uploads-ssl.webflow.com/5d34a02fd1cb7f04ec361a56/5f2039ce113db554e5c07af4_montana%20auto%20parts%20web%20pa%20aviso.jpg)
![](https://uploads-ssl.webflow.com/5d34a02fd1cb7f04ec361a56/618b171470bb5b51d93cdceb_edichi%20aviso%20november%207.jpg)