Historia di Arthur Bonevacia ku a picha profeshonal ku Los Angeles Dodgers Liga Menor
Arthur Bonevacia lo kumpli 53 aña mayan dia 25 di yüli 2020. Un dje gran pichernan di tur tempu di Beisbòl di Kòrsou ku hopi hóben di awendia no konosé. Awe un dia promé ku Arthur kumpli 53 aña nos lo lo lòs algun detaye di un entrevista profundo di ku nos a tene ku Arthur na aña 2002.
Arthur Bonevacia picher veterano di nos beisbòl lokal Dobel ‘A’ ku tin hopi rekòrt tras di su nòmber. Un rekòrt ku sigur hopi hende ku ta sigi beisbòl djaserka ta di nuebe ponche sigi. Esei ta dia 31 di mei 1986 tempu ku Arthur tabatin 18 aña. Arthur un picher ku tin mas 17 aña den nos beisbòl Dobel A.
Arthur Bonevacia a tira profeshonal ku e ekipo di Dodgers huntu ku hungadónan di nòmber manera Pedro Martinez, Pedro Atacio i Henry Blanco.
Revista Deportivo Kòrsou a skohe Arthur Bonevacia komo Deportista Destaka den edishon number 66.
ARTHUR
Arthur Alexander Bonevacia a nase na Kòrsou 25 di yüli 1967. Arthur ta yu di Maria Bonevacia i Oscar Maria. Arthur tin 4 yu na e momentu nan aki. Artur Jr. tremendo pelotero ku ta bai kumpli 33 aña, Sorvienski (25), Aquintly i Queena (18 aña).
Arthur tabata hunga beisbòl na 2002 den e ekipo Royal Scorpions despues di a milita basta aña den Santa Maria Pirata. Aworaki Arthur no ta aktivo ku beisbòl.
Arthur tabata coach di un ekipo di beisbòl Minor League di Montaña i aworaki ku Jandoret Little League i alabes ta manager di e ekipo Treasure di e liga femenina veterano Streanan Djayera i despues Chilling di Liga di Nos Tur.
KOMIENSO
Arthur Bonevacia a kuminsá hunga beisbòl ku 7 aña. Ku 10 aña Arthur a drenta e ekipo di Spinx Little League bou di mando di Kai Matrona. Arthur a hunga 3 aña Little League un aña Senior League. Despues Arthurer a sigi pa hunga Hubenil. Segun Arthur e mester a hunga mas aña den Senior League pero ela bai hunga Hubenil for di 14 aña.
Nan a permiti e kos ei” Arthur ta bisa Deporte Kòrsou.
“Mi a hunga den Hubenil algun aña despues mi a subi ku Alpha Zelbo. Ku 17 aña nan a evaluami mi a subi dòbel A ku Alpha. “
PICHER
‘Pa straño ku ta parse mi no a picha masha aña den liga nan abou, Den Little League mi a picha un tiki i den Hubenil mi a picha den mi último aña. Mi a hunga segunda mas tantu den e liganan mas abou.
Despues ku mi subi mi a picha ku Alpha Zelbo solamentu un aña. E aña ei a bai hopi bon tambe mi a gana 7 i pèrdè 3 den mi promé aña den dobel A.
Mi tabata picher estelar den Alpha i dor di Kenneth Gijsbertha mi a move pa Santa Maria. Mi tabata picha masha hopi mes den e timnan ei. Mi tin e nòmber ku mi mester di hopi sosiegu pero ta e hopi ku nan tabata laga mi tira tabata kansa mi brasa. Asta operá mi mester a operá mi brasa despues debí na hopi dolor di brasa. No tabatin kontamentu di bala ku e kosnan ei. Tin biaha bo ta pasa 150 bala bai keda tira ketu bai.
Mi a operá mi brasa aña 1993. Tabata un nervio na mi elleboog, ora mi tabata picha mi tabata sinti mi man tabata bira manera lam lam. Mi a keda mas ku un aña sin picha.
SELEKSHON
Ku Alpha nan e skohemi pa mi bai ku selekshon pero mi no a bai. Mi a preferá di bai Hulanda ku Aplha e tempu ei ta masha hopi hungadó a preferá di bai ku Alpha e tempu ei sin bai ku selekshon. Esei ta mas o menos 85 pasobra 86 mi tabata den e ekipo di beisbòl ku a gana plata na Centro Americano i Del Caribe.
Papiando di e Alpha na Hulanda nos a presentá ku un bon tim Nato i Sor nan aki tur a bai.
Mi a tira e promá wega i gana un skol di Merka ku a sali kampion di e torneo ku skor di 6-3. Mi tin ku bisa ku bistanan di skout ets. no a kuminsa kai einan.
Den selekshon di Kòrsou mi a poncha 9 gai di Sint Maarten sigi. Ku ta un rekort. E wega ei mi a drenta di relevo.
Dia 21 di yüli 1986 mi a gana Selekshon di Antiyas su promé wega den Mundial ganando un wega kontra Hapon. Mi a tira 4 inning i un tersio i gana e wega Rudson Roberto a releva mi den e wega ei. Fuera di esei un selekshon so mi e keda afo.
DODGERS
“Nos a bai ku selekshon Meksiko. Nan a skohe den e seis mihó pichernan. Un meneer Mike Brito aserka mi. Ela gusta e manera ku mi tabata tira. Nunka nan no a midi mi kuantu mi tabata tira. Segun mi riba 90 si anto ku bon kurva, tabatin un wega ku mi a tira den e selekshon ei ku mi a poncha 14 batiadó. Despues di dos dia mi a bolbe tira i parti 12 ponche atrobe. Nos tabatin mester di un viktoria i pesei nan a lagami picha. Einan mi tabata 24 aña kaba. Ku 24 aña nan a skout mi. E mes un skout ei a scout Fernando Valenzuela. Nan ta kere den dje pasobra e tabata fama di skout bon talento.
Mike Brito a tuma mi nòmber adres i otro kosnan i e tabata tuma kontakto ku mi via Mey Regales.
Despues mi a bai kampamentu di Dodgers na Vero Beach. Mi a bai Spring Training ku Dodgers den e kategoria dòbel A.
Mi a hunga den mesun tim ku Pedro Martinez picher estrea di Dodgers aworaki (na 2002 tempu di e entrevista), Pedro Astacio ku ta tirando bon Mets (2002) i Henry Blanco ketcher di Atlanta (2002). Mi tabata drumi den mesun kamber ku e gainan ei. Mi a tira bon pa e tiki tempu ku mi tabata tei den Spring Training. Mi a tira kotnra New York Mets. Mi a tira tres inning un dia despues dos inning un dia sin permiti kareda. Mi tabata mas grandi ku Pedro i mi mas eksperensia ku ne. Pedro Martinez tabata hopi delegá i chiki pero ku tremendo rekta mi kurva tabata miho ku di tur hende.”
ARHTUR NO A KEDA
Arthur : “Arthur a keda algun dia mas, pero e kos a kuminsá kansa mi un tiki. Nos tabata praktika hopi, Mi a kuminsa sinti hopi falta di Kòrsou i mentalmente e kos a kuminsá kansami. Mi a bisa nan ku mi ta bai Kòrsou. Nan a puntra mi di kon. Mi bisa nan mi tin ku bai bin. Nan a bisami ku ta ku fakansi. Mi a bisa nan nò. Nan a bisa mi ku mi kabes ta bon
Nan di ku mi OK bai fakansi un ratu i bini bèk. Nan a bin mi tras te na Aeropuerto pa konvensemi ba bai bini bèk. Nan a drenta den kontakto ku Lipo Elhage aki na Kòrsou pa papia ku mi pa mi keda. E hendenan ta hopi enkantá ku mi tur hende ta papia di mi aya. Lipo a papia masha hopi ku mi pero e kos tabata den mi pa bini bek Kòrsou. Nan a bisa Lipo ta kla mi ta kaba lo no dura hopi pa yega Grandes Ligas debí ku mi tin tur kos kaba mi tin 24 aña mi tin eksperensia.
Mike Brito a yama mi for di Meksiko puntra mi ku ta loke mi ta mi ta un hòmber kla kaba ta kiko mi ta bezig ku ne. Un gai scout di Hulanda Sprockel tambe e tende e kos i yama mi i roga mi pa keda. Ki e hendenen di Dodgers a papia ku ne i bise papia ku mi. Mi tabata sintimi normal den e katgeoria di Pedro Martinez. “
ALL STAR GAME DEN DODGERS STADIUM
“Mi a bini Kòrsou i mi a haña un invitashon pa bai picha den un All Star amateur den Dodgers Stadium.
Rònt mundu nan ta skohe e amateur. Mi a hunga huntu ku e gai di Caribe, gainan di Puerto Rico, Cuba Meksiko., ets. Pa kolmo e kos a tuma luga den Dodgers Stadium. Pa kolmo tambe mi a topa Mike Brito atrobe i e tabata rabia ku mi. Ela bisa ku nunka mas lo mi no haña un chèns asina.
Ela bisa tambe ku pa e na mi un chèns mas atrobe mihó e nami su muhe mes. Asina Mike Brito a bisami.
E gai tabata desapuntá ku mi. E binimentu abou tabata manera un heimwee fuerte. Ya aworaki mi ta bisa mihó mi a keda.”
PAISNAN
“Mi a bai Aruba, Sint Maarten, Venezuela, Argentina, Italia, Meksiko, Hulanda, Santo Domingo, miho bisa kasi tur pais den Suramerica, Caribe i Latino ku selekshon a bai.”
HAZANA
13-0 den un temporada
Dos No Hit No Run (un kontra di Sopresa sigur)
21 ponche tira den un wega empata ku Yubi Mercelina
( ponche sigi tira)
Rekòrt di ponche tira na Cuba 18 ponche tira den un wega. Nan a para e wega un ratu. Tene un homenahe i despues nan a manda un plakat abou pa mi. 9 ponche sigi kontra selekshon di Sint Maarten.
OTRO KOSNAN
Arthur fuera di beisbòl ta gusta hunga sòftbòl i hunga domino. Su kuminda preferí ta galiña, tur manera ku e wordu presentá. Arthur ta gusta kuminda kriyoyo tambe. Arthur no tin outo prefer.
Te aki e entrevista bèk den tempu ku Arthur Bonevacia, un dje gran pichernan ku Kòrsou a yega di konosé den Beisbòl.
