Lesadonan di Deporte Korsou bonnochi. Selekshon di Beisbòl Dòbel A a trein djarason siman pasá den Tio Daou Ballpark. Parse ku na komienso di mart e selekshon lo biaha pa Aruba. Hainely Statia, manager di selekshon lo move pa USA den un pa dos siman i Frankie Confesor lo keda enkargá ku selekshon. Den dianan benidero lo sigi kòrta den e selekshon pa asina poko poko pero sigur yega na un selekshon definitivo. Nos ta keda sigi e desaroyonan di selekshon djaserka.
* * * * *
Fin di desèmber dos èks hungadó di Beisbòl a drenta Salon di Fama. Marcel Brigitha i Lipo Elhage. Salon di Fama di Beisbòl tin 12 hungadó/dirigente adén. Marcel i Lipo ku a drenta desèmber último, Ernst Smith, Willy Pietersz, Raffy Josefa. By the way Ernst Smith ta promé hungadó/dirigente, umpire di Beisbòl ku a drenta Salon di Fama. Willy Pietersz tabata e di dos i Raffy Josefa tabata e di tres ku a drenta. Raffy a drenta ku 44 aña, un di esnan mas yòn ku e yega di drenta Salon di Fama. Aida Juliana a drenta ku 49 aña.
* * * * *
En todo kaso mas hungadó/dirigente di Beisbòl den Salon di Fama ta Ricardo Elhage, Fichi Flemming, Antonio Keller, Orlando Cuales (naradó), Renato Anasagasti i Wenny Jakoba. Pronto algún mas lo drenta. E ramo di deportenan por bini ku nan mes Salon di Fama tambe. No esnan lokal so, pero internashonal tambe, espeshalmente esnan ku a hunga den MLB i selekshon di Hulanda pa hopi aña ets. Dimes nos Big Leaguernan òf esnan ku a yega Big League mester t’adén.
* * * * *
Saludo pa Luis Coffie di Pitufos ku na 2003 tabata na Boneiru i organisadó di Kopa ABC. Nos tabatin un entrevista kuné na 2003 nèt promé ku play-off di e Kopa ABC na Boneiru. Luis Coffie: “Den un reunión ku nos tin e dianan ku ta bini, nos lo bai chèk un ke otro mas mihó, pero mi tin ku bisa ku ta Chai Currie di Teremoto i Sergio Leon tabatin algún reklamo. Ya, pa loke ta trata Sergio Leon e kosnan no a sali bon pa nan ekipo. Nos tabata ké trese un kambio den e sistema tradishonal di klasifiká, esta 1 kontra 4, 2 kontra 3 den play-off. Nos kier a hunga e play-off un otro sistema ku a resultá e ekipo Carpatula masha di bon mes.Nos a kambia e stail di kareda kontra pa evitá ku un klup ta bai sinta konta kareda i hunga bala. E asuntu di saldo positivo ta otro. Hunga bo tin ku hunga bala pa gana, no tin kuenta.” ABC e aña ei kayente i Baranka a bira kampion.
