Lesadónan di Deporte Korsou, felis dia. Little League a kuminsá move ku kampionato riba varios tereno rònt Kòrsou. Pa loke ta trata Beisbòl Veterano, final lo ta djadumingu 7 di febrüari sin públiko den Stadion Johnny Vrutaal. E dos ekiponan ya a kuminsá move un tiki pa nan ta den forma pa kaba e kampionato 2020. Wega lo sigi den di 7 inning manera nos a anunsiá na varios okashon.
* * * * *
Saludo pa sr. Edwin ‘Edichi’ Martina ku ta back in town. Edichi a tene kontakto ku nos i bisa ku e tei, anto mas kaki ku nunka, Gloria na Dios. Edichi a yama nos bon aña i ta kla pa sigi su notisianan kustumbra via nos kolumna i artíkulonan. Edichi: ”Edichi ta back on track i lo hunga eksklusivamente den Liga 50. Agente liber ku ta wòrdu representá pa 1 agent. Mihó oferta ta konta, esun ku yega promé ta bebe awa limpi.” Edichi lo bai hunga Liga 50 so. Un gran picher ku por yuda kualke ekipo den Liga 50. By the way, nos ta pendiente pa desaroyonan di Liga 50 di Sòftbòl.
* * * * *
Ekipo Jaws ta a la karga den 60+ ku nan atkisishonnan nobo. E siman aki nos a duna un ñapa i awe nos tin tur e hungadónan ku ta den plan di Jaws. Mirco Colina, Hubert Malacia, Hubert Gomez, Norman Kirindongo, Fransel ‘Tucu’ Martinus, Fransje Lambertina, Rudsel ‘Kabayo’ Wilson. Hepa… kompetensia fuerte pa ekipo Nos Tambe Por di Chan Schoop, Frank Curiel i kompania. Ekipo Lions tambe ta lusiendo den gran forma tur aña, pero te ainda no a logra yega na un título di kampionato. Algun aña pasá nan a bira kampion di un torneo ku nan mes a organisá.
* * * * *
Ekipo di 60+ Lions a start ku nan torneo warm-up di 60+ 4 aña pasá na Frank Curiel Ballpark. E torneo tabata tuma lugá tur aña den luna di mei. Na 2020 no tabatin e torneo, debi na Covid-19. Semper tur ekipo ta partisipá i e torneo ta hala bon públiko. Ban wak kiko ta bai pasa e aña aki i ta bon chèns pa nos wak kon e hungadónan nobo di Jaws lo move riba tereno. By the way, Kabayo Wilson di Jaws lo kumpli 59 aña na aprel próksimo. Tene kuenta ku ta solamente dos hungadó 59+ por ta riba tereno. Kabayo, Fransje i Tucu tin 59 aña.
* * * * *
Djabiène último, dia 29 di yanüari 2021, un dje grandinan di Slowpitch sr. Eithel Isebia, tata di Ryan Isebia ta di fiesta. Eithel ta fundadó di Cicoza, un di e ekipo nan di Slowpitch ku mas aña di eksistensia. Ekiponan mas bieu den Slowpitch ta Jaws, Swift, Baranka, Catpower, Pitufos i Marlins. Nos a pone e ekiponan ku ta drei ainda. Gregory Pijpers hungadó di Lions/Aqualectra tambe ta di fiesta awe. Nos ta korda Gregory Pijpers den ekipo Athletics medio añanan 90 den Liga Trai Seru. Pabien na nos amigunan ku a kumpli aña i hopi aña mas di bida.
* * * * *
Djarason siman pasá nos a lòs e asuntu ku Rhiëncy Imperator ta bayendo Groot Kwartier Stars den Beisbòl Dòbel A. E notisia a kousa un kore kore formal den tantu Groot Kwartier komo Royal Scorpions. Rhiëncy no a mira akshon den Royal Scorpions den 2020 debí na kantidat di infielder ku e ekipo tabatin. Royal Scorpions tabata Sherivien Newton i Urwin Juaquin den short. Sherivien ku ta hunga den profeshonal den Liga Menor na USA ku New York lo move bèk, miéntras no sa sigur kiko ta bai pasa ku Urvin Juaquin. Royal Scorpions tabata tras di e shortstop Jonaikel Castro Arias di Groot Kwartier. Pronto nos lo bai buska kontakto ku Rhiëncy Imperator ku ta yu di Bencho Imperator.
* * * * *
Nos a bai bèk den baúl i wak algun pòtret di Sòftbòl Slowpitch. Intergubernamental, ekiponan Douane/Cems, Polis, Aqualectra, ALM, Prison/Onderwijs, KAE, SETEL/UTS, Fundashon Sedreko, ets. Hopi pòtrèt di Julio ‘Marakucho’ Hellburg komo umpire i lider di umpirenan. Marjorie Curiel, organisadó di Sòftb1l Intergubernamental. Ekipo Sint Jozef dinastía den Sòftbòl Intergubernamental Maskulino, ekipo MIL i Maria College den Sòftbòl Intergubernamental. Ancilla Domini den Sòftbòl Femenino Intergubernamental. Nos ta keda te aki.
