Fanátikonan di Deporte Kòrsou. Nos tei ku informashonnan kustrumbrá di Beisbòl i Sòftbòl. EkipoSanta Rosa Indians ta a la karga den Beisbòl Dòbel A i ta ganando ekiponan grandi riba un rust. Djasabra nan racha a kai kontra di Santa Maria. Djaluna 16 di ougùstùs 2021 Santa Rosa riba base por bola ku base yen pa Ildion Martina, Santa Rosa ta laga Royal Scorpions den tereno.Royal Scorpions ku e skor 5-4 tabata falta un out pa terminá e wega, pero despues di base por bola intenshonal pa e batiadó Jurgen Statie, picher relevista Geryon Jacob a dal Dylan Harms ku bala (hit by pitch). A sigi e base por bola riba konteo di 3-1 pa Ildion Martina.
* * * * *
En todo kaso último weganan Santa Rosa a gana Royal Scorpions dos biaha, gana Wild Cats dos biaha igana di Santa Maria. Santa Rosa su derotanan ta kontra Wild Cats dia 10 di yüli (16-4), kontra RoyalScorpions (6-3) i kontra Firebirds (13-8). Santa Rosa tin 6 wega ganá sigi i nan ta pendiente di Shakir Albert i por ta Christopher Pietersz tambe. Santa Rosa a risibí un tremendo picheo di Siamani Boekhoudt èks prfoeshonal ku tabata basta aktivo ku selekshon Senior di Liga Pariba último lunanan. Siamani tin tremendo aktuashon e aña aki ku 2 ganá i 1 pèrdí ku ERA di 1.35. Uniko wega ku Siamani a pèrdè ta kontra Wild Cats dia 10 di yüli tirando un tremendo partido.
* * * * *
Lidernan den bateo i picheo te ku djarason 18 di ougùstùs 2021, Alexander Rodriguez di Wild Cats tin .469, Ryson Polonius di Marchena Braves tin .448, sigí pa Risandro Pastor (Wild Cats) ku tin .440, Sherman Lacrus (Santa Maria) .432 i Riordan Windster .422. Yurendell de Caster ta lider den RBI ku 16, sigí pa Rojean Cleofa (Wild Cats) 15, Aldair Daal (Santa Rosa ) 15. Edinho Meyer (Royal Scorpions) 13 i Calten Daal (Wild Cats) 12.
* * * * *
Siamani Boekhoudt (Santa Rosa) ta lider den ERA 1.35, Mairon Brunken(Wild Cats) 3.26, Jordan Lucas(Santa Rosa ) 3.68, Ramses Jamanika (Royal Scorpions) 3.74 i Arlyson Rodriguez (Wild Cats) 3.75. TemeshLourens (Royal Scorpions) ta lider den ponche tirá ku 24. Ta sigi Cedeon Langguth (Firebirds) 21. Mairon Brunken (Wild Cats) 18 i Richard Moesker (Marchena Braves) 17.
* * * * *
Ban pa Beisbòl Veterano kaminda varios ekipo a hunga 2/3 parti di e buelta regular kaba. Mayoría ekipo falta 4 wega i varios ekipo práktikamente a klasifiká kaba. Importante ta pa klasifiká den e promé 3-nan pa bai dirèkt den e play-off semi-final. Nos ta antisipá mesun 6 ekiponan di temporada pasá. Crackers (8-0), Pirates (7-0), Raiders (7-1), Quality Stars (6-2), Santa Rosa (5-2) i Bulldogs (4-3). Ta sigi Azucar (3-5), Marlins (2-6), The Brothers (2-6) , Otrabanda (1-5) Marchena (1-6), Vosama (1-6) i Yesterday (1-6). Number 6 lo hunga kontra number 5 i e ganadó lo topa ku number 4. Grandinan ku mester topa otro promé ku e buelta regular pasa e wikènt na Tio Daou Ballpark.
* * * * *
E siman aki grandinan lo topa ku chiki i mester bisa ku wikènt pasá varios grandi a hera di kai. Na Santa Rosa dia 28 di ougùstùs Bulldogs lo topa ku Santa Rosa Memories, Jandoret Raiders vs Quality Stars i despues Isla Crackers kontra Santa Maria. Dos kandela sigi na Tio Daou Ballpark pa wikent di fin di luna. Djadumingu 5 di sèptèmber lo no tin wega di Beisbòl Veterano Liga 40, pero segun skèdjel lo tin dos wega di Liga 50 djadumingu na Vi Jansen Ballpark. Den Beisbòl 50+ solamente 3 wega a tuma lugá te ainda. Sigi Hunga a gana Jandoret 11-8, Vosama a gana Otrabanda 7-2 i Yesterday a gana Otrabanda 10 pa 9. Standing ta Sigi Hunga 1-0, Vosama 1-0, Yesterday 1-0, Jandoret 0-1 i Otrabanda 0-2. Den Liga 50 na Suvek Ballpark tin klèsh e wikènt aki atrobe. Sorpresa a kai rumannan. Jaws a kibra invikto di Ban Serio ganando 11-7 i Lions a gana Marlins 1-0.
