RBC ta gana CBCS den Amstel Bright Premier Cup i weganan ta sigi awe
WILLEMSTAD- RBC Royal Bank a gana Banko Sentral ku skor di 12-2 den Amstel Bright Pemier Cup den wikènt na Van Engelen Ballpark. Bon públiko tur wikènt pa mira weganan di e prestigioso Amstel Bright Premier Cup riba dos tereno na Van Engelen Ballpark. E wega menshoná tabata den kategoria COED. Tabatin wega den e otro kategorianan manera Liga 50, Liga 40, Soshal Maskulino i Soshal Corporate. Den Liga 50 ekiponan Ban Serio i Jandoret Raiders ta invikto. Weganan ta sigi wikènt benidero i e torneo lo terminá dia 22 di mart, Nos tin resultado i algún pòtrèt.
CITCO 6, Soab 3
SBAB 9, Corendon 5
SVB 6, Gaming Control Board 2
FFDK 15, Arcas 4
LIGA 50
Jandoret Raiders 7, Marlins 3
Ban Serio 13, Lions 0
Marlins 8, Sluggers 1
MODIFIED
Swift 9, Terremoto 4
MASKULINO SOSHAL
Kooyman 9, Building Depot 3
KPC 5, SDKK/GGZ 3
SBAB 8, Gaming Control Board 7
Brandweer 18, VVRP 15
Selikor 15, CITCO 4
FDDK 11, CMB/Corendon 0
Aqualectra 10, Building Depot 2
Coca Cola 7, Damen 1
Kooyman 7, Curoil 5
EWT 9, CMB Corendon 8
COED
MCB 12, CBCS 1
Corendon 16, CMC 9
ORCO/SSC 12, SBAB 4
Corendon 11, GGZ/SDKK 6
RBC/FECS 12, CBCS 2
SOSHAL OPEN
The New Radiator 25, Titans 3
Bala Brothers 13, Dominicanos Activo 3
The New Radiator 13, Incredibles 8
The Living Legends 11, titans 9
The New Radiator 11, Incredibles 1
Liga 40
Twisters 6, Jaws 4
Baranka 7, Swift 5
Swift 14, Cicoza Legends 12
MAS INFOMRASHON DI SÒFTBÒL I BEISBÒL
Fanátikonan di Deporte Kòrsou bon dia. Pa loke ta Amstel Bright Premier Cup nos tin resultadonan di fin di siman. Nos tin mas detaye tambe di Diamond Stars League ku a start siman pasá i nos tin e resultadonan. Pitufos a kumpli 44 aña di eksistensia i nan a selebrá despues di un training na Groot Kwartier djasabra último. Preparashonnan ta sigi full swing pa Torneo Hope 2026 ku lo keda organisá pa FDDK.
• * * * * *
World Baseball Classic ta start ku weganan na Tokyo i despues ta sigi ku weganan na Puerto i na USA (Houston i Miami). Hulanda a pèrdè djabièrnè ku skor di 6-2 kontra Venezuela. Hopi interesante naturalmente World Baseball Classic, nada kompará ku Mundial di Futbòl FIFA 2026, ku ta e evento deportivo mas grandi di Mundu ku hungadó i fanátikonan mester warda 4 aña pa mira. Remarkablel ta ku FIFA World Cup i WBC ta tuma lugá na USA i por ta algu ku bo no ta haña nunka mas na mesun pais i mesun aña. Yunan di Kòrsou ta na kareda e aña aki, hopi a move pa Miami pa mira e ekipo Hulandes den akshon na Miami, despues mester move pa Houston Philadelphia ets pa wak Kòrsou den Kopa Mundial. Ata, e aña aki Kòrsou ta bai dirèkt Williamsport.
• * * * * *
Kòrsou direkt rumbo pa Williamsport no tin kuenta di reserva òf paga pasashi i keda den suspenso ku Kòrsou ta representá Karibe. Ta paga pasashi unbes debí ku Kòrsou ya ta den e kompetensia anual aki na Williamsport. Sea Pabou òf Pariba, ta aya ta bai . Pabou a logra gana e seri di Intermediate. Un di e serinan mas pèrtá den historia di Intermediate ku a start na 2013 aki na Kòrsou. Kòrsou tin vários titulo di Latino America pa loke ta trata Intermediate i na vários okashon a representá nos na USA. Intermediate no a logra titulo Mundial ainda pero Little, Junior i Senior si a logra títulonan na Mundial. Nos ta realmente grandi den Beisbòl i manera kos ta bai aki nos lo bai krese den Futbòl tambe ku nos mes muchanan.
• * * * * *
Preparashonnan ta sigi pa e kopa ABC&S di 50+ na Kòrsou organisá pa Marlins. Pronto lo tin un konferensia di prensa pa duna mas detaye. Pa loke ta ABC di e hóbennan esaki lo tuma lugá na Aruba i nos no sa kon a para ku e Golden Athlete Caribbean Championship, debí ku e representante di e otro paisnan tin problema pa haña kupo riba avion pa yega Aruba. Ekiponan Swift, Cicoza, Teremoto, ekipo La Sonrisa i otro ekiponan di Boneiru i di Sint Maarten a paga pa hopi kupo riba avion pa bula pa Aruba. E aña aki Sint Eustatius tei i Saba pa promé biaha ta forma parti di Kopa ABC&S di e hóbennan. Interesante sigur e weganan aki ku lo tuma lugá den luna di mei. Pa loke ta trata 40+ nada ainda i 60+ ta pendiente pa tuma lugá na Kòrsou organisá pa Koala Bears di Hulanda. No ta konosí ku ta na yüli òf ta na òktober pa loke ta e Dutch Caribbean Master 60+ aki.
• * * * * *
Liga Streanan di Ayera a start djadumingu 1 di mei na Jaguar Ballpark na Muizenberg i nos ta pendiente pa detaye. Manera nos a lesa den e komunikado e liga a krese i lo tin 40+, no 35 plus pero 40+ den e liga aki. Nos lo bai buska kontakto ku dirigentenen di Liga di Nos Tur pa wak kon ta bai sigi ku e liga aki, debi ku un ekipo a bula kurá i a bai Liga Streanan di Ayera. Pendiente tambe di e liganan nobo ku ta lanta, liga di e hóbenan ku partisipashon di vários tim. Manera ta konosí liganan Amstel i Van Engelen a pasa pa historia i e liga aki mester a remplasá òf djòin e dos liganan menshoná.
• * * * * *
Den luna di yanüari tabatin un reunion na Sentro di Bario Brievengat, pero ora ta trata di temporada di karnaval no tin masha interes pa deporte aki na Kòrsou. Nos a mira ku awor ku temporada di karnaval a pasa moveshonnan ta den full swing. Na final di e kolumna aki nos a haña kontakto ku un hende hopi yegá na Liga di Nos Tur ku a bisa ku no tin nada ainda. Nos ta keda te aki pa awe i te mayan ku Poder di Dios.
