Pabou ta gana su di dos wega den Little League Baseball Curaçao Region Tournament 2026
WILLEMSTAD – Liga Pabou a gana su wega number 2 di e Little League Baseball Curaçao Region Tournament 2026. Djabièrnè nan a gana Pariba pèrtá ku skor di 4-3 den un wega emoshonante. Ku e viktoria aki Liga Pabou a pasa pa final i e wega semifinal lo ta entre Pariba i Liga Willemstad ku tin rèkòrt di 0 ganá i 1 pèrdí. E wega menshoná ta djasabra 6’or den Stadion Post 6. Djadumingu 15 di mart lo tin e wega number 1 di e final i si ta nesesario lo tin e wega number 2 djaluna. Raygen Raphaela i Tyron Mogen a kombiná pa e viktoria di Liga Pabou.
NUMERITONAN
Pabou a nota 4 kareda, dal 5 hit i hasi 2 eror. Raygen Raphaela tabata e picher ganadó. K’Shawn Weert, T’Sheandrick Fraay, Gilliane Lomp i Levi Cijntje a bati di 1-1.
Pariba a nota 3 kareda, konektá 6 hit i hasi 2 eror. Shardijon Delanoi, Raymiel Antonia, Steven Felix, Jaymiel Martina, Nathanael Jansen i Ruendrickson Leuteria a bati un hit.
Liga Pabou ta gana Liga Willemstad 12-0 den e promé wega di Little League
WILLEMSTAD - Djaweps, 12 di mart, tabatin e promé wega di Little League Baseball Curaçao Region Tournament 2026, (11-12 aña) entre selekshon di Pabou i Willemstad. Selekshon di Liga Pabou a gana ku skor di 12-0. Liga Willemstad a wanta bon den komienso, pero den di 3, 4 i 5 inning e ekipo di Pabou a anotá 1, 5, i 6 kareda respektivamente pa terminá e wega pa nòkout den di 5 inning. Bon públiko tabata presente pa mira e wega di djaweps nochi. Gilliane Lomp, ku tabata e pitcher habridó pa Pabou, tabata e picher ganadó.
NUMERITONAN Pabou a anotá 12 kareda, dal 11 hit i hasi 2 eror. Gilliane Lomp tabata e pitcher ganadó i Tyrus Mogen a bati di 2-2. D’Lisson Fraay a bati di 1-1. Willemstad no a konektá hit i a hasi 3 eror.
