Lesadónan di Deporte Kòrsou, bonochi nos tin e skèdjel di weganan di Beisbòl, Sòftbòl Slowpitch i Beisbòl Veterano di wikènt aki. Ayera mester tabatin wega di Liga 40 na Van Engelen Ballpark entre ekipo Crazy Tigers i Baranka. Baranka a gana ku skor di 13 pa 12 den un wega kandela. Ta trata aki di e dos grandinan den Liga 40 i nan mester tene kuenta ku Swift lo bini duru pa nan e aña aki. E final di Liga 40 di 2021 lo ta entre dos di e tres timnan ku nos a menshoná.  Den Liga 50 tin 4 wega fèrfelu mayan na Van Engelen Ballpark. Weganan di Liga Amstel tambe ta sigi djasabra na Van Engelen Ballpark.

Baranka a gana Crazy Tigers 13-12 djabièrnè.

* * * * *

Ban dirèkt pa e weganan. Awe, djabièrnè tin solamente un wega di Liga di Nos Tur na Frank Curiel Ballpark. Pa 8’or di anochi Curacao Sweetheart lo topa ku Shining Stars. Mayan djasabra 4 di sèptèmber  8’or pm lo tin Un Kara kontra di Join Me.  Djasabra tin weganan di Liga 50, Beisbòl Veterano, Beisbòl Dòbel A, Klase A i Hubenil. Klase A lo start ku play-off i Hubenil ta pendiente weganan di deskite entre Firebirds, Santa Rosa i Wild Cats. Play-off di Klase A ta entre Santa Rosa, Firebirds, Groot Kwartier i Royal Magic. Play-off Klase A djasabra 4 di sèptèmber na Montab ta 10.30 Santa Rosa vs Suffisant i despues 14.00 Firebirds vs Groot Kwartier. Djadumingu 10.30 ta Groot Kwartier – Firebirds i despues 14.00 Suffisant Royal Magic – Santa Rosa Indians. Si ta nesessario lo hunga e weganan desisivo djasabra 11 di sèptèmber na Bonnam Ballpark.

Beisbòl Klase A i Hubenil ta sigi. Beisbòl Klase A ta play-off i Hubenil ta deskite.

* * * * *

Weganan di deskite entre ekiponan Firebirds, Wild Cats i Santa Rosa Indians ta djasabra i djadumingu na Bonnam. E 3 ekiponan menshoná a terminá kampionato regular ku rekòrt di 10 ganá i 4 pèrdi. Djasabra 4 di sèptèmbert in dos wega, 10.00 Firebirds vs Wild Cats, 12.30 Firebirds vs Santa Rosa. Djadumingu 5 di sèptèmber ta Wild Cats vs Santa Rosa. Otro siman play-off ta start ku play-off 1 vs 4 i 2 vs 3 na Montab Ballpark. Ta trata di un seri mihó di 3 i e semi-final lo terminá mesun wikènt ku start.

Akshon na Montab i na Bonnam wikènt benidero

* * * * *

Ban pa skèdjel di Liga Amstel i Liga 50. Liga Amstel djasabra 4 di sèptèmber. 10.00 Sugar – Terrepower, 12.00 Thrillers – Bombers (kandela ruman), 14.00 Terremoto - Gamers, 16.00 Cicoza – X-Treme.  Standing di Liga Amstel ta  Cicoza 6-2, Bombers  6-2, Gamers 5-3, Thrillers 5-3, X-Treme 4-4, Sugar 3-5, Terrepower 2-6, Terremoto 1-7.  Den e promé buelta Bombers a gana Thrillers ku skor di 17-14 ku picheo di Alexander Rodriguez i Julius Veeris.  Cicoza vs X-Treme tambe ta pinta di bira un wega fèrfelu. Cicoza a gana X-Treme 18-12 den promé buelta.

Cicoza number 1 empatá ku Bombers den Liga Amstel

* * * * *

Liga 50 tambe ta sigi djasabra ku 4 wega na Van Engelen Ballpark.  Djasabra 4 di sèptèmber 10.00 Lions - Catpower, 12.00 Baranka – Ban Serio, 14.00 Pitufos – Jaws, 16.00 Marlins – Artemisia. Ban Serio tin rekòrt di 6-1 i Baranka 6-2.  Lidernan den bateo ta Gino Valeriaan di Baranka ku tin un average haltísimo di .765, Rigobert Cijntje (Ban Serio) ta na di dos lugá ku .706.  Amarildo Coffie (Marlins) ta number 1 den RBI ku 11, sigí pa Clifton Ostiana di Artemisia ku tin 9 RBI. Lesley Martina di Artemisia ta lider den ERA ku 1.24. Michelangelo Boekhoudt (Ban Serio) ta na di dos lugá ku 2.05.  Michelangelo Boekhoudt ta lider den ponche tirá ku 6. Edison Sambo (Lions) ta number 2 den ponche tirá ku 5, empatá ku 3 picher mas ku ta Gregory Martijn (Lions), Fernando Rosario (Jaws) i Johan Cicilia (Pitufos).

Galbao Boekhoudt di Ban Serio entre e lidernan den picheo

* * * * *

Beisbòl Veterano djasabra 4 di sèptèmber 10.30 Yesterday – Santa Rosa, 13.00 Azucar – Vosama, 15.30 Otrabanda – Bulldogs.  Djadumingu no tin Beisbòl Veterano di 40+, pero si tin dos wega di Liga 50 den Beisbòl Veterano. Pa 10.30’or djadumingu Jandoret Raiders lo topa ku Vosama, pa 13.00’or tin Otrabanda kontra Sigi Hunga. Liga 50 di Beisbòl no tabatin masha wega ainda. Standing ta lo sigiente, Sigi Hunga 1-0, Vosama 1-0,  Jandoret 1-1,  Yesterday 1-0, Otrabanda 0-3.  Lider di bateo den Liga 50 ta Gregory Zimmerman (Jandoret) .1000, Brian Esclodina (Sigi Hunga) .1000. Den kareda empuhá Gregory Zimmerman tin 4 RBI, Rigobert Cijntje (Jandoret) tin 3 RBI.  Francis Petronilia tin 3.50 komo lider di ERA,  Hubert Perozo ta lider den ponche tirá. Liga 60 tin 3 wega djadumingu na Frank Curiel Ballpark. 10.00 Nos Tambe Por vs Los Amigos, 13.00 Jaws vs Curacao Super Stars i 15.00 Lions  - Nos Power.

Jandoret Raiders vs Vosama den Liga 50 djadumingu 10.30 am.

‍