Fanátikonan di Deporte Kòrsou bondia i felis siman. Nos tabaitn un wikènt karga ku deporte Beisbòl i Sòftbl Slowpitch. Royal Scorpions a zona un kampanaso djamars i para selebrashon di Wild Cats. Royal Scorpions a gana ku skor di 12-2 den Tio Daou Ballpark .Wild Cats tabata a la karga riba Royal Scorpions i e pushinan brabu a logra nan di dos viktoria djasabra i di 3 djadumingu. Un viktoria ku skor grandi 15 pa 2 djasabra. Risandro Pastor tabata tremendo den picheo i a logra tira 7 inning kompletu tumando solamente 2 kareda. Djaweps Pastor tabata klave ku dos hugada sensashonal den centerfield ku a skapa sigur 3 kareda. E wega di djaweps a terminá 3 pa 1 pa Wild Cats. Sin duda un hungadó espektakular stail di picha riba nivel haltu i hunga tur posishon riba nivel haltu.
* * * * *
Semper tabatin hungadó ku por picha i kubri mas posishon den nos Beisbòl Dòbel A. Pero picha na nivel haltu i defendé tur posishon na nivel haltu ta difísil pa igualá. Un dje mihó hungadónan di Beisbòl Dòbel A i Pastor a proba esei ganando MVP di kampionato 2018 ku Marchena Braves. Un ekipo ku a logra klasifiká e aña ei number 4. Pastor a bai Wild Cats 2019 i ta den su último aña di kontrakto ku Wild Cats. Sin duda un hungadó ku hopi ekipo lo bai buska i Wild Cats (Kenley Jansen) lo no laga bai fásil. Pastor a picha so i no a bati djasabra. Yurendell Decaster a bati komo batiadó designá na lugá di Pastor. Probablemente djadumingu Pastor lo ta den alineashon atrobe. Komo batiadó i outfielder.
* * * * *
Ardley Jansen ta batiendo 5-3 den play-off, Rojean Cleofa 7-3, Yurendell De Caster 7-3, Shurendel Mujica 9-3. Maneho di Wild Cats a opta pa bai ku Reangelo Beaumont komo kètcher apesar di su averahe abou i a bai pa defensa i trahamentu ku picher i kontrol di e wega. Reangelo Beaumont a saka dos koredó di Royal Scorpions den intento di robo djaweps i djasabra no tabatin intento di robo. Bon ya.. dimes ku skor grandi Royal Scorpions lo no bai purba robo ku skor habri. Djasabra Wild Cats a bati 16 hit i hunga sin eror (hopi importante), miéntras Royal Scorpions a bati solamente 2 hit i kometé 4 eror ku ta hopi. Dos eror di outfield, un eror di shortstop i e otro tabata di kètcher. Hopi a kuminsa pensa den direkshon di Royal Scorpions kue 4 sigi stail di Santa Maria riba Santa Rosa na 1988?
• * * * * *
Ban pa Beisbòl Veterano. Den Liga 50 djadumingu mainta ekipo Vosama a derotá Otrabanda ku skor di 6-0. Felix Ibañez slengu Venesolano/Yu di Kòrsou tabata tremendo tumando solamente 1 hit kontra i poncha 4 batiadó sin base por bola. Tremendo aktuashon i komo batiadó Ibañez a bati di 2-1. Nimrod Thielman a bati di 1-1 ku un tripel ku base yen i empuhá 3 kareda. Vosama su rekòrt a bira di 4-1 i ta number 1 den Liga 50 di Beisbòl. Ta sigi ekiponan Sigi Hunga i Jandoret Raiders ku tin rekòrt di 3-1, Yesterday tin 1-3 i Otrabanda ta den sótano 0-5. Liga 50 ta pendiente pa temporada di Liga 40 terminá pa bai pa kaba kampionato 50+ tambe.
* * * * *
Den Liga 50 di Sòftbòl ekiponan Flamboyan, Ban Serio, Baranka i Mon Repos a gana. Flambioyan a bati Catpower fásil 17 pa 2. Ban Serio mester a lucha pa gana Jaws. Despues ku e picher Paiza Rosario a sali for di wega, Ban Serio a probechá i hinka basta kareda. Baranka/Sharks rumbo pa klasifikashon a gana di Artemisia. Marlins ku tabata bon den lucha pa klasifikashon a sufri un derota doloroso kontra di Mon Repos Sluggers. Marlins su rekòrt tabata di 6-5, Mon Repos Sluggers a bati 3-7. Ekiponan bon pará pa loke ta trata klasifikashon den 50+ Sòftbòl ta Lions 9-2, Baranka 9-2 pendiente e protesta di Pitufos. Ban Serio 7-3 i Pitufos 7-4 ku chèns di bira 8-3. Den kurso di siman nos tin e resultadonan.
* * * * *
Nos tabata presente djasabra na Frank Curiel Ballpark i a mira un wega kandela entre Sin Stress i Chilling. Chilling a gana djabièrnè 7 pa 5 i tabata falta un out pa pasa pa final djasabra. Ku dos out den bòm di di 7 inning Chillling ta saka dos out i falta un out pa bai final. Solange ‘Chola’ Soliana ta dal homerun pa center/left pa empatá e wega. E sigiente batiadó Dayenne Delando ta bati rolling duru di hit i su ruman Tanusi Delando ta dal doblete pa right center i Dayenne ta kore te home pa terminá e partido lagando Chilling den tereno. A sigi selebrashon pisá riba tereno pa despues hala kita bai debí na Toke de Keda. Liga 60 a start ku play-off ayera. Keda pendiente pa resultado.
