Fanátikonan di Deporte Kòrsou , bon dia i felis wikènt. Nos tin un wikènt ku varios play-off. Play-off di Liga 50 den gran forma na Van Engelen Ballpark djasabra i djadumingu. Pa loke ta trata Liga van Engelen tin play-off, ku ta djadumingu entre ekiponan Swift i Navegantes. Van Engelen tin final, miéntras Liga 50 ta trata aki di play-off final. Na Frank Curiel Ballpark tin wega finalísimo di Liga 60 djadumingu entre Nos Tambe Por i Jaws. E seri ta empatá na unu i e wega finalísimo lo kuminsá mas o ménos 2.30 pm. Awe nos tin detaye i nos ta skibi di e weganan di play-off di Liga 50, Liga 60 i Liga van Engelen.
* * * * *
Nos ta start ku Liga 50. E promé wega di semi-final ta entre Baranka (2) i Ban Serio (3) pa 11’or am. Baranka a gana Ban Serio 6-5 den e úniko wega entre e dos ekiponan. Tur dos ekipo a train bon pendiente e kompromisonan di wikènt benidero. Baranka tin hungadónan manera entre otro Curtley Valeriaan ku a bati .593, Denley Marten .467, Dennis Dambruck .543, Edmar Cornelia .389 ku dos homerun, Fisel Pereira .483, Gregory Reina .382, Grensley La Croes .462, Herman Gumbs .500, 3 homerun i 17 RBI, Tico Ramazan .417. Sedeney Lourens, 4 homerun i 14 RBI, Wendell Anthony .462. Picheo ta den man di Kenny Hellement (6-0), Gino Valeriaan, Fisel Pereira i Frensel Brandao.
* * * * *
Ban Serio tin batiadónan manera entre otro Albert Pieternella .593, 2 homerun i 12 RBI, Alison Rodriguez .538, Charlton van Thijs .435, Fabianie Orcadio .556 (4 homerun i 16 RBI), Hensley Josephina .500, Ludwig Pietersz .308, Luigi Yanez ku a hunga 2 wega .429, Miro Daal .462, Myron Wijman .435. Reinaldo Casimiri .400. Nato Anasagasti .250 den 4 wega, Rignald Floranus .417, Rigobert Cijntje .531 i 16 BBI. Sherdon Rombley .778 den 5 wega, Wendell van het Kruys 11 RBI i .464 di average. Picheo ta den man di Michelangelo Boekhoudt, kabai di heru ku a picha 45.1 inning, mas tantu inning ku tur hungadó den Liga 50. Otro pichernan ta Frensel Martinus i Miro Daal. Michelangelo ‘Galbao’ Boekhoudt mester karga e picheo di Ban Serio.
* * * * *
E otro seri ta entre Lions ku a terminá number 1 di e kampionato regular 1. Lions a gana Pitufos 8-7 den e úniko wega ku nan a topa otro. Bateo ta den man di Dennis D’Arnault .333, Edison Sambo .462. Edison Sambo ta un dje pichernan estelar tambe. Elroy Philips .500, Etienne Maria .375, Herbert Lucas .500 (Herbert Lucas ta manager), Ludwig Mathilda .455, Michelangelo Cijntje .345, Nelson Jacoba .333, Richel Leito .400, Raimy Pastor .500 den 3 wega. Robert Trinidad .346, Sendy Marceli .333. Parti fuerte di Lions ta nan pciheo ku ta den man di Gregory Martijn i Edison Sambo. Edison Sambo a terminá ku rekòrt di 6-1 i Gregory Martijn a terminá 5-1. Tur dos a tira 39 inning durante e kampionato regular.
* * * * *
Pitufos a terminá na puesto number 4. Pitufos ta bou di direkshon di Archie Davelaar. Nos tin sifra di varios di e batiadónan. Cedric Curiel .364, Eddy Obispo .500, ku 2 homerun i 16 RBI, Hellary Plantijn .421 ku 2 homerun. Jurgen Kronstadt .333, Jurwein Duggan .278, Luis Coffie .333, Norwin Moesquit .350, Raymond Constancia .333, Rignald Hooi. 400, Sharlon Louis .276, Sidney de Windt .263, Terry Rosina .385. Picheo ta den man di Johan Cicilia ku ta e kabai di karga ku a tira 34 inning. Sharlon Hanst a tira 17 inning. Otro pichernan ta Sidney Lourens i Naai Hooi ku ta e picher velos den relevo.
* * * * *
Den Liga Van Engelen djadumingu Swift tin hungadónan manera Darwin Blanquicett, David Kirindongo, Dicson Acosta, Dimitri Leon, Donovan Seferina, Emilio Velarde, Jegvenny Hendrik, Jonathan Martijn, Julio Cesar Del Rosario, Luigino Domacasse, Michelangelo Trinidad, Nurson Leonora, Randolph Kirindongo , Reyhan Fecunda, Rochendrik Alexander i Rodney Michel. Picheo ta den man di Emilio Velarde, Dicson Acosta, Donovan Seferina, Francisco Alcantara i Anthony Medina. Navegantes tin hungadónan manera Andley Simmons, Eldrion Regina, Germain Genaro, Gerson Adamus, Glendomar Davelaar, Jean Marc Casilio, Jurnick Floranus, Nathaneal Piar, Raynold Marchena, Raynys Faries I Shuremy Fornerino. Navegantes a usa varios picher, entre otro e estelarnan Ryan van Heydoorn i Axel Gomez. Glendomar Davelaar tambe a tira algún inning bon pa Navegantes. By the way, ekipo Otrabanda lo move pa República Dominicana di 17 pa 24 di novèmber. Nos ta keda te aki pa awe i te djaluna ku Poder di Dios.
