Lesadónan di Deporte Kòrsou, bondia i felis siman. Djabièrnè último ekipo Jandoret Raiders a rekordá e echo ku 25 aña pasá e ekipo a keda fundá pa Jeffrey Martina. Tabatin un Santo Sakrifisio di Misa na Misa di Jandoret sigí pa enkuentro soshal ku presensia di algún miembro i fanátiko. Un selebrashon chiki i modesto, kaminda mester a tene kuenta ku distansia soshal i otro medidanan den kuadro di Covid-19. Fundadó Jeffrey Martina a dirigí palabra promé ku final di e Santu Sakrifisio di Misa.
* * * * *
A pasa riba historia di Jandoret ku a kuminsá for di 1996 te ku awor 2021. Keda pendiente pa algún detaye di historia di Jandoret. Djabièrnè 15 di yanüari 2021 Jandoret Raiders a entregá plakat na varios hungadó i tur esnan pionero ku tabata tei djabièrnè. Pioneronan tambe a risibí plakat i riba plakat di rekonosimentu tabatin e promé tim di Jandoret Raiders ku a bira kampion di Liga Trai Seru na 1996. Jandoret a bira kampion na Trai Seru na 1996, den Liga Un i Tur na dos okashon, Beisbòl Veterano na 5 okashon, kual ta 5 kampionato sigí di 2014 te ku 2018. Jandoret a bira kampion di Beisbòl Veterano di Reino tambe na 2018. Durante e enkuentro soshal a anunsiá ku Roro ta bin. Algún hende a move, pero a resultá di ta Roro Emperador di Nos Pais TV huntu ku Alexander Macaja.
* * * * *
No tin indikashon ku e wega entre Jandoret i Quality Stars lo sigi dia 31 di yanüari, debi ku no ta permití fanátiko na deporte. Tin indikashon ku e weganan di Beisbòl Junior i Senior lo start pa loke ta trata Torneo Kenley Jansen, pero e weganan ei lo tuma lugá sin fanátiko. Tin vershon ku e weganan lo start dia 6 di febrüari. En todo kaso nos lo keda informá di e desaroyonan.
* * * * *
Den edishon di djabièrnè nos a bai bèk den historia a base di pòtrètnan ku nos tin rekordando Slowpitch na Kòrsou, Aruba i Boneiru den e último 20 añanan. Skibiendo di nòmber di ekiponan, nòmber di hungadó i dirigentenan nostalgia ta manifestá. Saludo pa Andry Plaate, un tempu gran primera base di Baranka i Jandoret Raiders. Boso ta kòrda un tim di nòmber Comina Stars di algún hungadó di Continental Milling. Un saludo tambe pa Carlos Croes hungadó di gran poder di Happy Brothers, Angelo Clementina poderoso tersera base i shortstop di Baranka i Jandoret tambe. Nos ta keda riba e Angelonan. Angelo Sniphout un tempu spònser di ekipo Diamond Backs. Nos tin ekipo Catpower den avion bayendo Boneiru na 2003 ku hungadónan manera Pepi Martis, Edric Reenis, Jozef Martina, Mirto Martina i Judsel Baranco (QEPD).
* * * * *
Torneonan ku no tei mas: Torneo Bou di Palu, Torneo Bombers, Torneo Koktel, Torneo Kopa Joy Alberto, Kopa Basora, Liga Banana, Liga Amistad, Liga Un i Tur, Liga Trai Seru, Liga Sabana, Liga Banana. Kua te e ekipo aktual ku mas aña den Sòftbòl Slowpitch? Swift, Jaws, Navegantes òf Cicoza. Segun nos no tin mas ekipo ku tin tantu aña asina den e deporte di Sòftbòl Slowpitch. Boso ta kòrda un Homerun Derby organisá pa Hensley Meulens na 2003 na Cirilo Chirino Ballpark. Stadion tabata lata lata. Na e okashon ei Ivanon Coffie a gana e Homerun Derby.
Lesa di algún nòmber di tim i hungadó den Slowpitch den Liga Banana na aña 2000. E ekipo di Scharloo dirigí pa Dudley Sanchez a sorprendé e ‘Dream Team’ di Run Runners ganando ku skor di 16-4 . Scharloo a presentá ku e veterano Hubert ‘Papi’ Bazoer ku a dominá e fuerte ekipo di Anto Leonora durante sinku inning largu. Run Runners tabatin Bibi Gonet komo mihó batiadó i Gibi Henrietta komo picher. Ekipo Bachatero di algún hungadó Dominikano, The Image ekipo di Brunken di Strak Strak tabata hunga. Jandoret ku tei ketu bai a dal Danger den un wega. Ku Stanley Schoop ganando i Edsel Tremus di 2-2. Albert De Las Chiguez tabata picher di Dangers i Johnny Roos nan aki komo hungadó. Mas ekipo aki, Domi Lions, Skarlo, ku hungadónan manera entre otro Baptist.
* * * * *
Nada konkreto ainda den Slowpitch pa loke ta trata 2021. Den Beisbòl Veterano ekipo Quality a tira un liña riba Jair Josefa di Marchena Stars. Den 2019 Jair tabata den Quality Stars. Hopi liña tirá riba Ray Soerka picher estelar di Marchena Stars. Ekipo òf ekiponan nobo na kaminda pa Beisbòl Veterano. Nos ta keda te aki.
