Lesadonan di di kolumna Deporte Kòrsou Slowpitch bon dia i felis siman. Nos tei atrobe ku infomrahsonnan di Softbol Slowpitch i Beisbol Veterano. Den wikent tabatin varios moveshon ferfelu kaminda e dos Rodrigueznan di santa Maria a bai Wild Cats. Alexander Rodriguez i su ruman chiki Arlyson Rodriguez a pasa di Santa Maria pa Wild Cats segun informashon riba pagina di Facebook di e ekipo Wild Cats. Nan tabata pose huntu ku Archi Jansen ku unifòrm di Wild Cats bisti.

‍
• * * * * * *
Riordan Windster no a bai Royal Scorpions ainda i ta den Santa Rosa ketu bai. Otro moveshon sorprendente den wikent tabata e firma di Christopher Koeiman di Santa Rosa ku ekipo Santa Maria. Tabatin tur indikashn ku Chris Koeiman lo a bai Wild Cats of keda Santa Rosa pero kosnan a kambia. Santa Rosa parse ta trankil debí ku Chris no a picha masha e último añanan ku Santa Rosa. Na 2020 Chris no a picha ku Santa Rosa Indians.  Shurendell Mujica ta pendiente su traspaso pa Royal Scorpions, pero Wild Cats ta bai move duru pa e velos infielder keda pariba. Shurendell Mujica ta den e Scorpionnan tur dia na trabou.
• * * * * * *

‍
Niun hende na mundu no sa ki dia e asuntu di Covid-19 aki ta keda solushoná. By the way aña pasá kampionato di Beisbòl Veterano ya tabata tras di lomba kaminda Santa Maria a bira kampion di 40+ i e sigiente siman tabata Jandoret Raiders ku a bira kampion den 50+. Ban spera ku e aña aki lo kaba den novèmber. Den 2019 e kampionato a terminá den òktober despues di hopi aña. Un kampionato eksitoso i e direktiva a baha pa traha luga pa otro. By the way Liga 50+ lo bai krese den 2021 i nan ta pensando pa wak un otro tereno pa hunga. Sea Heintje Kool Ballpark of Stadion Johnny Vrutaal.  Heintje Kool Ballpark te ainda no ta den estado pa risibí fanátiko i Stadion Johnny Vrutaal lo kobra Liga 50+ di Beisbòl 150 florin pa dia.

‍
• * * * * *
Weganan di Little League di Torneo Creme de La Creme a keda suspendé wikent pasa. Weganan a keda reprogramá pa otro wikènt. Papiando di Little League nos ta kòrda temporada pasa e selekshon di Liga Pabou ku a bai Williamsport tabata na Panama i despues di tremendo presentashon a sali sup kampion kontra di un selekshon di Panama. U-12 na Panama Metro Rojos di Panama a gana Kòrsou 5-2 i bira kampion. Nos ta kòrda ku nos dirigentenan no a  risibí e informashon manera mester ta. Nos estelarnan nasé 2006 no por a picha i tampoko por tabatin mas ku 2 nasé 2006 riba tereno di wega. Tremendo pichernan manera Curley Martha, Shendrion Martinus, Kevin Rosina, Nathan Castillo i Deshando Tromp no por a picha pa yuda nos selekshon na e okashon ei.
• * * * * * *

‍
Fastpitch ta bai krese na Kòrsou. E final emoshonante a lanta e interes. Trabou duru mester tuma lugá pa kompetí den regio. Final super dramátiko siman pasa na Kòrsou. Ekipo Dream Team a bini djatras despues ku seri tabata 0-2 pèrdí. Gana tur e tres weganan kaminda nan tabata tabata pèrdí te den último inning. Kòrda ku Aruba si a keda kompetí ketu bai manera nos a skibi wikènt pasa. Na 2020 so Aruba no a kompetí den Faspitch Maskulino den eksteior. Mesora nos a rekòrda tempunan bon di Fastpitch Maskulino kaminda nos a logra dos título den un kampionato Panamericano (1978 i 1985). Grandinan manera Alvaro Ascencion (QEPD), Bencho Imperator,  Toto Beaumont (QEPD), Emile Haswell, Wendell Anthony, Marcel Felipie, Jozef Martina, Mirto Martina, Romoldo Martes (QEPD), Nelly Jakoba, Song Sofia, Glen Felida, Egbert Jules, Paya Boekhoudt, Naai Hooi, Sendley Reina, Gregory Reina i otronan. Nos ta keda te aki pa awe.

‍