Lesadónan di Deporte Kòrsou Slowpitch, bon dia i felis wikènt. Nos tei ku algu di Sòftbòl Slowpitch i Beisbòl Veterano. Weganan na Van Engelen Ballpark a keda posponé pa moitbu di COVID-19. Beisbòl Veterano ta sigi normal djasabra i djadumingu i lo tin wega di 50+ tambe djadumingu mainta. No tin masha wega kandela e wikènt aki. E wega Santa Rosa vs The Brothers por bira un tiki kayente. The Brothers tin algun picher ku por wanta i e ekipo ta bon balansá. Siman pasá nan a gana Azucar ku tabata den gran forma den nan promé weganan e temporada aki.
* * * * *
Liga 60+ a keda wantá un ratu debí na COVID for di siman pasá. Saludo pa nos brothernan di Lions ku ta kandidato pa pasa final i enfrentá Nos Tambe Por. Lions tabata finalista na aña 2018 kaminda Jaws a bira kampion. Liga di Nos Tur tambe ta wanta te próksimo aviso. Varios veterano di Liga di Nos Tur ta moviendo den gran forma ainda den Sòftbòl Femenino Dòbel A. By the way, un ratu den Futbòl. Selekshon di Futbòl lo bai kuminsá move i ayeranochi direktiva di FFK a saka un komunikado intere-santísimo. Selekshon ku Guus Hiddink na kabes.
* * * * *
Nos tin un kolumna kòrtiku awe. E siman aki nos no tabatin kolumna di Slowpitch, mas bien dos biaha kolumna di Beisbòl Dòbel A ku ta kayente. Ayeranochi den Stadion Johnny Vrutaal Santa Maria a laga Royal Scorpions den tereno. Ké mèn, den Hubenil e kosnan a bai otro. Varios nòmber grandi den e selekshonnan. Hopi hungadó ku tabata den varios selekshon tempu di nan tempu. Of mihò bisá, práktikamente tur hungadؚó di e dos ekiponan a hunga den selekshon. Jediel Maduro prospekto di Beisbòl lokal pendiente pa firma, a dal doblete pa Santa Maria laga Royal Scorpions den tereno, ganando ku skor di 8-7. Pa otro siman nos lo tin mas detaye.
