Kòrsou Pabou ta gana Kòrsou Pariba 11 pa 6 i bira kampion Latino Intermediate
WILLEMSTAD- Kòrsou Pabou ku tremendo relevo di Derickson Doran ta gana Pariba ku skor 11 pa 6 i bira kampion di Intermediate Latino 2022. Sherrintley Da Costa Gomez a bati di 5-3 i hasi dos hugada tremendísimo den centerfield pa yuda Pabou gana e partido final. Timothy Mogen tambe a bati di 5-3. Despues ku e último out a kai ku rolling di short pa primera, e ekipo Pabou a selebrá en grande riba tereno. Den e wega bálido pa di 3 lugá Meksiko a gana Aruba 5-3. Den semi-final Pabou a gana Aruba ku skor di 15-0, miéntras Pariba a gana Meksiko 10-0. Den e promé wega di djabièrnè Aruba a gana di Colombia 13-10 pa klasifiká pa play-off semi-final. Despues di e wega final tabatin entrega di premio na tur delegashon. A hiba palabra Minister di Ekonomia i Turismo Ruisandro Cijntje, District Administrator Urny Floran i Sharier Dorand, Branch Manager di RBC Royal Bank, spònser number 1 di Little League. Despues a sigi entrega di premio na selekshonnan kampion (Pabou), supkampion (Pariba) i di tres lugá (Meksiko).
RESULTADONAN
Djasabra 2 di yüli
Kòrsou Pabou 11, Kòrsou Pariba 6
Kòrsou tabatin 16 hit i nan a kometé 5 eror. Derickson Doran a bai ku e viktoria. Zazil Schoop ku Shackleyson Margarita, ámbos di 1-1. Victor Esteban Nieves Mack, Derickson Doran ku Claeten Sille, tur a bati di 2-1. Gilvanton Josephina a bai di 3-1. Timothy Mogen ku Sherrintley Da Costa Gomez, ámbos a bai di 5-3. Kòrsou Pariba a dal 7 hit i nan a hasi 5 eror. Deverson Papa a karga ku e derota i e mes a bai di 2-1. Ayden Calmes a bai di 3-1. Franjean Haseth ku Tizaino Maximiliana, ámbos a bai di 4-2.
Meksiko 5, Aruba 3
Meksiko tabatin 4 hit i nan a hunga sin eror. Leonel Alexis Bustos tabata picher ganadó. Sebastián Rivera Berlanga a bati di 2-1. Aruba a dal 6 hit i nan a kometé 2 eror. Kyden Briesen a resultá pèrdèdó. Xyron Jacobs a bai di 1-1. Jeandrey Winterdaal, Dyrick Wouters i Regan Koolman, tur a bai di 2-1.
Djabièrnè 1 di yüli 2022
Aruba 13, Colombia 10
Aruba a dal 10 hit i nan a kometé 1 eror. Jovin Willems a gana. Sean Rodriguez, Regan Koolman ku Jovin Willems, tur a bai di 1-1. Aeden Hewitt, Jeandry Winterdaal, Dyrick Wouters ku Zair Tromp, tur a bati di 2-1. Justin Hernandez a bai di 3-2. Colombia tabatin 9 hit ku 4 eror. Jesus Sarmiento Perez a bai di 2-1 i Emmanuel Cabadia di 3-2.
Kòrsou Pariba 10, Meksiko 0
Kòrsou Pariba tabatin 8 hit sin eror. Ayden Calmes tabata picher ganadó i e mes a bai di 3-3. Deverson Papa a bai di 1-1. Tayrino Bautisma ku Kyle Haseth, ámbos di 2-1. Meksiko no tabatin hit i nan a hasi 3 eror. Guillermo Gonzalez a resultá pèrdèdó.
Kòrsou Pabou 15, Aruba 0
Kòrsou Pabou a dal 18 hit i nan a hunga sin eror. Isaac Acosta a gana. Reagan Randt Kirindongo, Derickson Doran, Victor Esteban Nieves Mack ku Zazil Schoop, tur a bai di 1-1. Isaac Acosta di 2-2 i Shackleyson Margarita di 3-2. D-Shawn Martina Casimiri i Sherrintley Da Costa Gomez, ámbos di 4-3. Victor Esteban Nieves Mack ku Sherrintley Da Costa Gomez, ámbos a konektá 1 homerun. Pa Aruba 3 hit sin eror. Dylan de Leca a pèrdè. Noah Hewitt a bai di 1-1, Xyron Jacobs ku Dyrick Wouters, ámbos a bai di 2-1.
