Inter Willemstad kampion promé divishon i Santa Rosa kampion di dos divishon.
WILLEMSTAD - Inter Willemstad a titulá kampion di Kampionato FFK Promé Divishon despues di a gana Scherpenheuvel ku skor di 1-0 ku gol anotá Michelangelo Beers na 12 minüt! Bon publiko pa mira e wega aki.
Henry Caldera ta marka historia
Ku e resultado aki tambe e legendario entrenadó Henry Caldera ta bai den historia komo e promé entrenadó pa guia 5 klup diferente den un final di Promé Divishon i e promé pa bira kampion di Promé Divishon ku no ménos ku 4 klup diferente! Despues di e wega fianl tabatin entrega di premio.
FFK Segundo divishon!
Sta Rosa ta titulá kampion Segundo Divishon i pa promé biaha den nan historia ta promové pa promé divishon. Pabien na e bario di Sta Rosa ku awor tin dos ekipo di futbòl den divishon máksimo.
E wega a termina ku skor di 2-1, djaweps 4 di yuni den Stadion Jean Francisca. Golnan a keda anota pa Camilo Andres Sanches Cervantes na di 18 i 49 minüt pa Santa Rosa i Jursen Ewan Aristide Ortela na di 72 minüt.
Ku e viktoria aki Centro Deportivo Santa Rosa ta promové pa promé divishon .
