Isla Crackers a dal Marchena Stars 10 pa 1 den Beisbòl Veterano
WILLEMSTAD- Isla Crackers ta sigi invikto den Beisbòl Veterano. Djasabra último nan a dal Marchena Stars ku skor di 10 pa 1. Den otro wega importante Azucar a gana Jandoret Raiders 9 pa 5 i kibra invikto di Jandoret. Ta solamente Isla Crackers i Santa Maria ta invikto den e kampionato di Beisbòl Veterano 2021. Santa Maria a gana Marlins pa defolt. Nos tin resultadonan i despues standing.
RESULTADONAN
Djasabra 7 di ougùstùs
Isla Crackers 10, Marchena Stars 1
Roderick Eustatius a gana. Quincy Kook a bai di 4-2. Dennis D’Arnault, Dave Janga, Rolin Eustatius, Kevin Boekhoudt, Luigi Yanez i Joël Angelista, tur a bai di 2-1. Raymond Constancia i Roderick Sambo, ámbos a bai di 1-1 i Julius Veeris di 3-1. Pa Marchena Stars 5 hit ku 3 eror. Wendell Elisabeth a pèrdè. Gregory Bito a bai di 3-2. Francisco Alcantara ku Jurien Martina a bai di 2-1. Jeffrey Thompson a bai di 1-1.
Sta Rosa Memories 8, The Brothers 3
Sta Rosa Memories a dal 8 hit i nan a kometé 1 eror. Omar Valies tabata ganadó. Raymy Cicilia a bai di 3-3 i Shernold Martina di 3-2. Farley Girigorie ku Randy Lo-A-Tjong, ámbos bai di 2-1. Curby Brunken a bai di 1-1. The Brothers tabatin 5 hit ku 2 eror. Signald Burnet a resultá e pèrdèdó. Gian-Carlo Martina a bai di 2-2, Wendell v/h Kruys di 2-1. Richel Angela ku Jairo Burnet, tur 2 a bai di 3-1.
Djadumingu 8 di ougùstùs
Quality Stars 16, Yesterday 1
Quality Stars tabatin 12 hit i nan a hunga sin eror. Hayzem Martina tabata picher ganadó. Kevin Winklaar a bai di 3-2, Emile Haswell Jr., Senny Petronella i Raydell Isabella, tur a bai di 2-2. Raymond Leonora i Dangelo Moesker, ámbos a bai di 2-1. Bryan Esclodina di 1-1. Kevin Winklaar, Emile Haswell Jr. ku Senny Petronella, tur 3 a konektá 1 homerun. Yesterday a dal 5 hit i nan a hasi 5 eror. Carl Jurrjens a resultá pèrdèdó. Leslie van Kimmenaede i Daniel Garnet a bai di 2-2. Pernel Sprott a bai di 2-1.
Bulldogs 19, Vosama 0
Bulldogs a konektá 16 hit i nan a hunga sin eror. Lester Viktoria a gana. Dwight Alexander a bati di 4-3, Denley Marten di 3-3. Bryon Kook, Rayon Samuel i Reugene Martis, tur a bai di 3-2. 4 hungadó a bati di 3-1. Bryon Kook a konektá 1 homerun. Vosama no tabatin kareda ni hit. Nan a hasi 5 eror. Xaviero Avastia a pèrdè e wega.
Azucar 9, Jandoret Raiders 5
Azucar tabatin 8 hit ku 1 eror. Royston Privania tabata ganadó. Thiery Goeloe a bai di 3-3, Winston Kirindongo di 3-2 i Jeniver Mook di 2-2. Nelson Reineta a bai di 3-1. Jandoret Raiders a dal 6 hit i nan a hasi 1 eror. Deron Clara a resultá pèrdèdó. Earl Virginia i Arrington Zimmerman, ámbos a bai di 2-1. Robertico Castillo ku Gregory Zimmerman, tur 2 a bai di 1-1. Rigobert Cijntje ku Myron Wijman a bati di 3-1.
STANDING:
Isla Crackers 7-0;
Santa Maria 6-0;
Jandoret 6-1;
Quality Stars 5-2;
Santa Rosa 4-2;
Bulldogs 4-3;
Azucar 3-4;
The Brothers 2-5;
Otrabanda 1-4;
Marchena 1-5;
Vosama 1-5;
Yesterday 1-5;
Marlins 1-6.
