Jandoret Raiders kampion Liga 50 di Beisbòl Veterano

WILLEMSTAD- Jandoret Raiders ku bon picheo di Fitzgerald ‘Lali’ Pieter, a gana Sigi Hunga ku skor di 3-1 i bira kampion di Beisbòl 50+ djadumingu último na Vi Jansen Ballpark. Basta bon públiko a akudí na Vi Jansen Ballpark pa mira e 50+nan den akshon. Jandoret a sali nota un kareda den promé inning riba hit di Renato Anasagasti. Despues Jandoret a nota 1 kareda pa hasi e wega 2-0 i mas lat den e wega 3-0.

General manager di Jandoret Raiders ta entregá Boy Motor un plakat den presensia di hungadó i fanátikonan. Boy Motor ta presensiá tur wega di Jandoret Raiders, tantu 40+ komo 50+.

Sigi Hunga a nota nan úniko kareda den último inning, inning number 7.  Orsendo Clemencia a drenta den último inning pa saka dos out pa Jandoret Raiders i haña e wega salbá.  Despues di wega ekipo Jandoret Raiders i nan fanátikonan a honra fanátiko number 1, Erguiles ‘Boy Motor’ Cornelia ku un plakat. Jandoret Raiders a kumpli 25 aña den luna di yanüari i a honra vários fanátiko, spònser i hungadó klave. Boy Motor Cornelia resientemente a kumpli 81 aña.

Boy Motor ta risibi plakat serka Jandoret Raiders.

‍