Den Beisbòl Veterano Liga 50
Jandoret Raiders ta gana Vosama 3 – 1
WILLEMSTAD- Djadumingu ku a pasa tabatin kontinuashon di Beisbòl Veterano Liga 50 ku a tuma lugá na Vi Jansen Ballpark. Den e úniko wega ku tabatin e ekipo Jandoret Raiders a gana Vosama ku skor di 3-1. Playoff semi-final ta djadumingu 28 di novèmber 2021 ku wega 11'or am entre Sigi Hunga - Yesterday i 2.30 pm Jandoret vs Vosama.
Jandoret Raiders 3, Vosama 1
Jandoret Raiders a dal 6 hit i nan kometé 3 eror. Fitzgerald Piter a gana i Deron Clara a bai di 2-2. Rigobert Cijntje ku Jeffrey Martina, ámbos a bai di 2-1. Robertico Castillo ku Shendy Cras, tur 2 a bai di 1-1. Vosama tabatin 4 hit i nan hunga sin eror. Cedric Antonia, Sigbert Juliana, Fransje Albertina ku Charles Daal, tur a bai di 2-1.
Den e otro wega Yesterday a gana Sigi Hunga ku skor di 7 pa 2 tras di picheo di Pernell Sprott. Sharlon Louisa i Victor Hernandez a bati di 3-2. Wendel van het Kruys di 1-1. Terry Rosina di 1-1.
Ekipo di Beisbòl Otrabanda Veterano na República Dominicana
Willemstad- Siman pasá ekipo di Beisbòl Veterano Otrabanda a move pa Santo Domingo pa hunga algún partido i alabes disfrutá di un fakansi despues di kampionato 2021. Manera ya ta un tradishon pa mas ku 20 aña, ekipo Otrabanda Veterano ta move pa eksterior pa disfrutá i hunga algún partido. Riba pòtrètnan por mira Otrabanda Veterano na momentu ku nan a bandoná Kòrsou na aeropuerto i den ambiente na República Dominicana.
