Jean Francisca ta anunsiá retiro komo dirigente deportivo

Jean Francisca ta anunsiá retiro komo dirigente deportivo

WILLEMSTAD – E siman aki nos a risibí un komunkado di eks presidente di FFK i di FDOK ku anunsiá su retiro komo dirigente deportivo.

JEAN FRANCISCA
“Dia 30 di yüni 2025 mi a baha komo Presidente di Federashon Deporte i Olimipiko Kòrsou (FDOK). Ku esaki mi a termina mi funshon komo dirigente deportivo aktivo tantu lokal komo internashonal. Mi a kuminsá ku mi 25 aña komo Presidente di SV Atomic pa 2 aña.
Despues mi a fungi 25 aña komo Presidente di Union Deportivo Banda Abou(UNDEBA) Albabes mi a fungi 19 aña komo Presidente di Federashon Futbòl Kòrsou(FFK).

‍
Finalmente mi a fungi 12 aña komo Presidente di Federashon Deporte i Olimipiko Kòrsou(FDOK). Alabes mi a ehersé diferente funshon komo dirigente deportivo internashonal manera e.o. Vice Presidente di Caribbean Futbòl Union(CFU). Miembro di diferente komishon di Concacaf manera e.o. den komishon pa órganisa Gold Cup, komishon di kampeonatonan, komishon kambio di statuto, komishon disiplinario di Concacaf.
Alabes pa FIFA mi tabata  e.o. miembro organisadó di e uniko kampionato mundial di Futbòl FIFA SUR AFRICA 2010.

‍
Despues di mas ku 50 aña di a sirbi deporte mi a tuma retiro definitivo komo dirigente deportivo.
Un danki na un i tur ku a kolaborá ku mi durante di e mas 50 aña sirbiendo komo dirigente deportivo. Por sigui konta kumi den kualke komishon i pa duna kualke konseho basta hasi apelashon riba mi. Nunka lo mi bandoná deporte. Te kaminda ku mi por lo mi sigui ku mi konsehonan i mi kritikanan konstruktivo na bienestar di e kousa deportivo.
Nos tey pa sirbi I lo sigui sirbi ku poder di e SER TODOPODEROSO.
UN BIAHA MAS MASHA MASHA DANKI DI KURASON.”
Un sírbido,
Rignaal (Jean) Francisca.

‍