Jeffrey Nieuwenhuyzen ganado prome evento Biyar 2021
WILLEMSTAD- Tremendo promè evento di aña di Federashon Biyar Kòrsou ku a konta ku partisipashon di 28 biyardista. Hopi sorpresa i hopi desepshon, pero na final ta un kampion por tin. E kampionato nashonal bola 9 tabata patrosiná pa Montana Bierhuis y House of Billiard Play kual tambe tabata esenario di e evento . Den buelta di ganadó partidonan a kana rápido. Jeffrey Nieuwenhuyzen ta gana Gemajel "Jimmy" Rol 9 pa 1 i den e otro partido ku a kana igual ku e promé Hugo Limon ta vense Sybren Boekhoudt 9 pa 2.
Den semifinal di ganadó e hungadó di aña 2020, Jeffrey mester a traha duru pa na final logra bai ku e viktoria ku skor pèrtá di 10 pa 9 riba Limon. Den buelta di pèrdèdó , Sybren Boekhoudt ta gana David Prins 9 pa 4 i Jimmy Rol tambe ta gana Ryan Hellmund 9 pa 7. E dos ganadornan a enfrentá otro i Rol ta sali viktorioso 9 - 4 riba Boekhoudt. Jimmy ta sigi riba su ruta pa final y tambe ta gana Limon 10 pa 4 i asina yega final kontra Jeffrey.
Den un tremendo final Jeffrey Nieuwenhuyzen ta konfirmà ku e ta number 1, i ta sali duru i bai ku e título ku skor di 11 pa 6. Resultado final ta: empatá na puesto 5 , David Prins i Ryan Hellmund , puesto 4 Sybren Boekhoudt , puesto 3 Hugo Limon, supkampion Gemajel "Jimmy " Rol i kampion nashonal bola 9 2021 Jeffrey Nieuwenhuyzen. Ku e resultado aki e prome 10 hungadónan riba e ranking ofishal di Febiko ta :
1 Jeffrey Nieuwenhuyzen
2 Sybren Boekhoudt
3 Hugo Limon
4 Gemajel Rol
5 Raymond Magdalena
6 Shandro Paula
7 David Prins
8 Salim Kuzi
9 Michael Arvelo
10 Alung Huang.
E próksimo evento riba kalendario ta fin di febrüari lo ta kampionato nashonal bola 10.
