Jong Colombia ta kibra invikto di Nos Kos den Futbòl Veterano 50+
WILLEMSTAD - Djasabra último final di e promé buelta di e kampionato di Futbòl Veterano 50+ 2025 a tuma lugá den stadion di Jong Colombia aya na Boka Samí. Un bon públiko tabata presente pa duna nan apoyo na e ekiponan partisipante. E wega ku a hala hopi atenshon tabata kaminda Jong Colombia a kibra invikto di Nos Kos.
RESULTADONAN
Jong Colombia 2 – 0 Nos Kos
Jong Colombia a logra para e racha di invikto di Nos Kos.
⚽️ Kelvin (Kit) Jansen (1), Erickson “Eríko” Zimmerman (1).
DTS 4 – 1 Moonchi Boys
DTS ku un futbòl alegre pero determiná a logra un viktoria kla.
⚽️ Luis Lopez (1), Shurendy Duggan (1, P), Roderick Gustina (2).
⚽️ Moonchi Boys: 1 gol.
Bonam 2 – 2 Spartans
E partido a kaba na empate despues di un lucha fuerte.
⚽️ Bonam: Andrewie Does (1, P), Sharlon Adelina (1).
⚽️ Spartans: Marcel Sweers i Marlon Rijnschot kada un ku 1 gol.
De Koning 3 – 1 Dekada ’90
Nelson “Pong” Mariano a briljá ku un hattrick i ta e goleador máximo di e torneo te awor.
⚽️ De Koning: Nelson Mariana (3).
⚽️ Dekada ’90: Gilbert Sambo (1).
STANDING
Ku e resultadonan aki tin un tripel empate na e promé puesto:
Jong Colombia – 18 punto
De Koning – 18 punto
Nos Kos – 18 punto
Weganan di djasabra 23 di ougùstùs 2025 ta
6:00 pm – Nos Kos vs Moonchi Boys
7:00 pm – Spartans vs De Koning
8:00 pm – Bonam vs DTS
9:00 pm – Jong Colombia vs Dekada ’90
E segundo buelta ta primintí di bira hopi interesante. Tur amante di fútbol en general i tambe fanátikonan ta bon biní. Entrada ta gratis i tin Kuminda i bebida na bénta. Por parkeer padén pero riba bo propio risikó. Weganan ta tuma lugá den Stadion di Jong Colombia.
