Jong Holland kampion futbòl FFK 2021

WILLEMSTAD.- Jong Holland a bira kampion di Futbòl FFK , djadumingu 19 di desèmber 2021 ganando ku skor di 1-0 di Inter Willemstad. Jong Holland pa medio di Mirco Colina a nota un pinalti na di 90+ (kasi 93.27 minut). Mirco Colina a kobra e pinalti den huki robes mientras e kiper di Inter Willemstad a bai den huki drechi. Un pinalti (den minutnan di deskuento) ku a disidí wega ku lo bai den historia i lo keda komentá pa semper.

Gol pa medio di pinalti pa Jong Holland gana 1-0 pa bira kampion.

Defensa sentral di ekipo Willemstad Felomena a kòp un bala ku a resultá banda di su pechu/man robes ariba. Refri a sentensia pinalti, sigi pa ola di protesta di hungadónan di Inter Willemstad tantu despues di e pinalti komo despues di wega.

Jong Holland ta selebrá ku kopa.

‍
Jong Holland i Inter Willemstad a enfrentá otro den Stadion Rignaal “Jean” Francisca ku pa promé biaha tabatin un final di promé divishon di FFK. Promé ku e wega tabatin seremonia kaminda ofishalmente a duna e stadion e nòmber Stadion Rignaal “Jean” Francisca. Pabien na Jong Holland ku e título kampion Futbòl FFK promé divishon.

Kapitan di Inter Willemstad Terrence Richardson ta tuma kopa sup kampion.
Premier Pik Pisas ta entrega kopa na kapitan di Jong Holland Brian Anastasia den presensia di presidente di FFK Shaheen Elhage.
Stallone Isenia inkonsolabel.
Mirco Colina i Daal selebrando. Dos eks Vesta ku e djoin Jong Holland.
Shaheen Elhage, Jean Francisca, Brian Anastacia i demas hungadónan di Jong Holland.
Entrega di medaya

‍

Akshon durante e gran final
Hungadó ta bal masha haltu mes pa rechasá e bala.

‍

Situashon fèrfelu despues di wega entre hungadónan di Inter Wilemstad i Refri.
Kuerpo di arbitro di e wega final.
Famia Francisca ta saludá promé ku wega.
Jean Francisca ta saludá hungadónan.

‍

‍

‍