Jong Holland kampion Futbòl FFK promé divishon
WILLEMSTAD - Jong Holland ku un viktoria di 4-1 riba Jong Colombia a bira kampion Futbòl FFK MCB promé divishon. E wega a tuma lugá djadumingu 30 di òktober den Stadion Ergilio Hato. Un públiko grandi tabata presente pa mira e wega. Despues di kasi 20 aña e dos ekiponan a topa otro den final. Na di 11 minüt Jong Holland ta bai ariba ku gol di Shurwendel ‘Pito’ Roosje’. Jong Colombia a hasi lo máksimo esfuerso pa empatá pero no por a logra. Na 31 minüt Jong Holland ta ampliá e skor riba gol di Enchi Martina.
E wega a bai sosegá ku e skor 2-0 na fabor di Jong Holland. Manera e wega a kuminsá den di dos mitar na di 48 minüt Jong Holland ta hasi e wega 3-0 ku gol di Davidson Rosa. Jean Carlos Torbed ku a kaba di drenta wega pa Jong Colombia ta hinka gol i hasi e wega 3-1. E gol tabata na di 79 minut. Pito Roosje ta anotá su di dos gol di e wega na di 81 minüt pa hasi e wega 4-1 i asina ei e wega a bin terminá. Jong Holland ta gana e gran final ku skor di 4-1. Despues di wega tabatin entrega di premio dor di spònser mayo MCB i ministernan Pisas i Cijntje.
