Nòmber : Marcel Dominico Brigitha
mihó konosí komo Chelo
Fecha di nansementu : Kòrsou, 19 di sèptèmber 1940
Marcel a dediká su mes na e deporte rei di futbòl i no tabata tin ningun interes den beisbòl
Marcel a kuminsá den Mahuma pa despues pasa pa Vesta, ku 17 aña Marcel a hunga den e divishon mas altu di mundu di futbòl di Kòrsou.
Despues Marcel a pasa pa hunga pa su tim di bario di Mahuma den divishon superior i ta terminá su karera di futbòl den Veendam na aña 1968.
Marcel a kuminsá hunga beisbòl den bario di Mahuma i a bai wak e ekipo di Chicago train. Aki e racha di Marcel pa ku beisbòl a kuminsá.
Na 1958 den un kampeonato húbenil Mahuma a bira kampeon ku Marcel formando parti di e ekipo. Wilfrido Valeriaan a lanta Nutricia ku hungadónan di Marchena Braves, Karpatula, Mahuma, Mundu Nobo ku despues a bira Viceroy, Ford i Royal Scorpions “Mr. Basebal” i sobrá sobrá ta historia. Den e ekipo aki, Marcel tabata tin un ròl prinsipal pa basta aña.
Birando kampeon antiano pa promé biaha na aña 1965. Na 1966 e ekipo a kuminsá su racha di kampeon di Kòrsou na 1966, 1967, 1968, 1969, 1971, 1972, 1973, 1974, 1979 1981, 1985, 1990, 1993, 2002, 2004, 2008, 2011, 2012. Te 1974 Marcel tabata parti di e éksitonan aki sea komo hungadó despues komo manager.
Na Aruba Marcel a hunga un wega kontra di Heineken ku a bai 15 ining, Marcel a haña ovashon riba pia pa su defensa den outfield.
1965: beisbolista di aña pa Hector Rosario, lider den kareda anotá,
number 3 den base robá.
1966: selekshoná pa representá Kòrsou/Antia den weganan
internashonal na Aruba, Kòrsou, Puerto Rico, Venezuela,
Cuba, Costa Rica, Panama, Hulanda i Italia.
Komo manager Marcel a bai ku selekshon na Ulanda i Italia.
Marcel komo trainer òf manager a logra klasifikashon di Sta. Maria, Mahuma i Wild Cats den doble A. Hasta oferta Marcel a haña pa bai Ulanda, pero siendo ku el a kaba di kasa i tambe ta kuida su mama, Marcel a ninga.
Marcel a skòp hopi tera i segun Marcel ainda falta mas.
